Spurning hvort andlát rokksins sé staðreynd eður ei
Nú nýlega gaf maður nokkur út þá yfirlýsingu að rokkið væri dautt. Svei mér þá ef sá maður haifi ekki haft nokkuð rétt fyrir sér. Allaveganna er rokkið orðið töluvert lasið hér á Íslandi.
Hverju er um að kenna? Jú sennilega eru fjölmiðlar stæsti áhrifavaldurinn í þessu efni. Ekki er rokkið beinlínis flæðandi útúr útvarpinu svona dagæega dags. Rokkstöðin Xið stendur varla undir nafni lengur. Verst af öllu er þó hin viðurstyggilega stöð FM957. Þar flæðir viðbjóðurinn út eins og gröftur. Viðbjóður í viðbjóð ofan af heiladauðum takti. Ekki tekur betra við þegar hinar svokölluðu tónlistarstöðvar í sjónvarpinu eru skoðaðar. Allt sama helvítis ógeðið. Ef það eru ekki sterapumpaðir gaurar með gulltennur akandi í slow motion á rándýrum bílum þá eru það sílikondillandi glyðrur sönglandi heiladauðan drafla um hve helvíti heitar þær eru og hvað það er æðislega frábært að vera svona stórkostlega heiladauð glyðra eins og þær eru.
Það er hægt að halda lengi svona áfram. Hægt er að nefna svona ógeðslegheit eins og boybönd, Justin Bieber, Michael Bubbleee, Kenny G, og Michael Bolton svo fáeinar viðurstyggðir séu nefndar. Ég held að rokkið sé bara dautt og er það mikill skaði
Vá, svakalega er þetta magnað tuð!
En litlar stelpur eiga sko alveg rétt á að hlusta á Justin Bieber í útvarpinu.
Ég held að rokkið sé í allverulegum dvala. Eftir eins og 5 eða 10 ár verður rokkið endurfundið eins og að tignalegar risaeðlur muni fara að spóka sig sivona um. Þetta ógeð sem hinir almúga heiladauðu láta lepjast á eftir að verða ógeðslegra og ógeðslegra uns... já ég s´pái því að það eigi eftir að koma 3D mynd um einhverja rokkrisa. Kannski Led Zeppelin, afa þungarokksins.
Ég held að rokkið verði ekki dautt fyrr en seint og um síðir. Við getum sagt að það sé í lægð núna, það hlýtur að teljast diplómatísk lausn.
Ég vil að tónlist sé sköpuð, ekki frammleidd eftir einhverjum formúlum markaðsaflana eins og þessi heiladeyðandi skítagrautur sem flæðir yfir almenning dags daglega.
Mozart var óttalegur dægurpoppari og lifir. Jóhann Sebastían Bach var fínn rokkari og lifir. Þetta lifir allt sem betur fer því mikið ósköp væri leiðinlegt ef þetta væri allt eins.
Rokkið lifir, en á hundir högg að sækja um þessar mundir. Það er fullt af efnilegum böndum þarna úti, maður þarf bara að hafa fyrir því að finna þau. Ekki treysti ég á útvarpið, það er á hreinu. Spjallborð eru ágætisvettvangur til að heyra um ný rokkbönd.
En hvað segiði annars, eru ekki allir í tuði?
Enn frekar minni ég þig nermal kær á Baldur Skálmaldar og sjá má merki þess að rokkið sé að hefja sig í nýjar hæðir.
mér finnst stutt síðan Finnar komu og sigruðu júróvísón með allvöru rokklagi. Svo Rokkið er langt frá því að vera dautt.