Hæ, ég heiti Halla. Ég er sex ára...en ég verð bráðum sjö ára. Ég er stór stelpa. Ég bý með mömmu og nýja manninum hennar.
Hei... það er kominn matur. Ég sest við borðið. Mamma setur súpudisk og brauðsneið á borðið. Svo tekur hún diskinn sinn og labbar inní stofu. Þar er tölvan hennar.... Hún mamma er voða mikið í tölvuni...Ég vil ekki trufla mömmu þegar hún er í tölvuni. Þá verður hún nefnilega stundu reið og skammar mig. Það er ekki gaman. Jæja, best að borða súpuna. Ojjjjjj þetta er ekki góð súpa. Eiginlega bara mjög vond súpa. En brauðið er gott svo ég borða það. Mamma kallar á mig úr stofuni "Halla!! borðaðu matinn þinn!!" Ég borða nokkrar skeðar í viðbót. Þessi súpa er voða vond. Nú heyri ég í Simpsons í sjónvarpinu, mér finst gaman að horfa á Simpsons, en ég er ekki búinn með matinn minn. Ef ég fer frammí stofu núna mun mamma skamma mig. Mamma kallar aftur..BORÐAÐU MATINN ÞINN!!. Ég held að hún sé pínu reið núna. Nú kemur mamma inní borðstofuna. Hún segir: Halla þú ert búin að sitja hérna í hálftíma og ert ekki búin að borða súpuna þína. Mig langar að segja að mér finnist súpan vond, en ég þori það ekki. Borðaðu matinn!! Nú er mamma að verða reið. Hún labbar fyrir aftan stólinn minn. Hún tekur skeiðina og byrjar að mata mig. Mig langar til að gráta. Súpan er svakalega vond. Önnur skeið og önnur. Ég verð að borða þessa vondu súpu alla.

Nú má ég standa upp. Mamma er ekki ánægð. Hún segir mér að fara að hátta. Ég fer inní herbergi og fer í náttfötin mín og labba svo inná bað, bursta tennurnar mínar og pissa. Þetta get ég alveg ein. Ég fer frammí stofu. Mamma er í tölvuni. Ég segi góða nótt við mömmu. Mamma lítur ekki uppúr tölvuni en segir góða nótt. Ég fer uppí rúmið mitt. Tárin falla á koddann minn. Mamma má ekki sjá mig gráta.