Margir hafa efalaust fagnað Latabæ á sínum tíma. Boðskapur þáttana er líka góður. Það er gott að hreyfa sig og borða hollan mat, vera vænn við vini sína og fleyra þannig. Aukin heldur eru þættirnir vandaðir í alla staði, brúðurnar flottar og allt það.

Það er hinnsvegar þessi svakalega markaðsvæðing sem er í kringum þættina sem mér þykir ekki sniðug. Nú er t.d komið svokallað "íþróttanammi" sem eru jú bara ávextir í frauðplastbakka. Held að þeir séu ekkert betri ávextir en þeir sem eru í ávaxtaborðinu, en ég er næsta viss um að þeir eru dýrari. Svo er til Latabæjarvatn, Latabæjarjógúrt og kynstrin öll af alskyns annarskonar Latabæjarvarningi.

Svona markaðsvæðing sem er beint að börnum þykir mér mjög svo neikvæð og er foreldrum efalaust vandi á höndum þegar krakkagríslingurinn vil ekki borða appelsínu nema hún heiti íþróttanammi. Menn meiga aðeins fara að hugsa sinn gang í þessu efni og slaka aðeins á gróðafíknini.