Mér finnst gott að maula ís,
mikið fínt og gaman.
Mamma er sko í mussu úr flís,
mikið er það gaman.
Er annars að pæla í því hvort þetta „sko“ eigi kannski ekkert heima þarna. Það er náttúrulega danska.
Voðalegt endemis vesen alltaf á þessari krónu. Ég sagði alltaf að það væru mistök að hætta með blessuð kúgildin.
Það held ég væri ólíkt fjörugra í kauphöllinni í dag, væru þau enn við lýði.
Þrotinn er mér andans kraftur.
Öllum lokið. Ó, vei!
Gleður heiminn aldrei aftur
eitísstirnið Corey.
Það má nú margt segja ljótt um blessaða rónana í henni Reykjavík, en ólíkt eru þeir nú samt huggulegri og betur til hafðir en ólukkans ógæfupakkið í Kópavogi og úti á Nesi.
Og betur eygðir.