Baggalútur

Þjóðbók

Mikið er nú rokið í henni Reykjavík alltaf velkomið og indælt.

Annað en skítablásturinn í Kópavoginum, fimbulgarrinn í Mosó eða andfúlt fjúkið úti á Nesi.

4/10/12 • Þjóðbók

Tómas Guðmundsson

Af ákvörðun borgaryfirvalda um að skíra stíg í höfuð hundadagakonungi

Ég vissi að vesalings borgin mín
værorðin óttalegt hrörgreni
en helvíter hart ef að strætin þín
heiteftir fíflinu Jörgeni.

31/12/69

Tómas Guðmundsson

Undantekningin sem sannar regluna

Guðdómleg er gervöll byggðin
glæsta; Reykjavíkurborg.
Vik er frá því viðurstyggðin
viðbjóðslega, Ingólfstorg.

31/12/69

Tómas Guðmundsson

Reykjavíkurljóð MMLXII

Með kvíðagaul í görnum mér
ég geng í djúpum þönkum
um stræti fyllt blóðsognum bönkum.
Það hryggir mig og hjartað sker
að hafa ekki tölu
á fasteignasölum til sölu.

31/12/69

Tómas Guðmundsson

Reykvískir hraundrangar

Óskaplega eru hálfbyggðu háhýsin í henni Reykjavík fögur á að líta. Líkust ókleifum, holum hraundröngum. Og ekki spillir blessað dritið úr strjálvængjuðum borgarmávinum fyrir þar sem það lekur seiðandi niður svarta hamraveggina.

Maður fær nú bara gæsahúð – og meira til.

31/12/69

Tómas Guðmundsson

Óbyggðir

Mér er sama hvað fólk segir og tuðar. Hálf- og óbyggðu hverfin og stórhýsin í henni Reykjavík eru þau fegurstu sem ég hef augum litið.

31/12/69

Tómas Guðmundsson

Kommapakk

Á nú ein skitin stytta af mér ræflinum að heita karllæg og einstaklingsupphefjandi? Og stirð?

En ekki hvað? Þetta er fokkings stytta.

Þessir roðamaurar í borgarstjórn geta nú bara troðið þessum „anda nýrrar og frjórrar hugsunar um list“ uppi í opinbera rýmið á sjálfum sér.

31/12/69

Tómas Guðmundsson

Af höllu Rómans

Með Rússagulli Róman
reisir bústað fróman.
Ég vona að verði úr
Vaðlaheiðarvegavinnu-
verkfærageymsluskúr.

31/12/69

Tómas Guðmundsson

Hafnarfjörður

Hver hefði trúað því fyrir hundrað árum síðan, að líf gæti þrifist á jafn eyðilegum ömurðarbletti og Hafnarfirðinum?

Sjálfur trúi ég því ekki ennþá.

31/12/69

Tómas Guðmundsson

Rónarnir í Reykjavík

Það má nú margt segja ljótt um blessaða rónana í henni Reykjavík, en ólíkt eru þeir nú samt huggulegri og betur til hafðir en ólukkans ógæfupakkið í Kópavogi og úti á Nesi.

Og betur eygðir.

31/12/69

Tómas Guðmundsson

Borgargrenin

Auðvitað er alltaf leitt að sjá reisuleg hús í niðurníðslu, útkrotuð og glerbrotin. Uppfyllt ógæfusömu fólki og hlandlykt.

En það breytir því ekki að niðurníddu grenin í henni Reykjavík eru fegurstu niðurníddu greni veraldar.

Og hlandlyktin klárlega sú sætasta á byggðu bóli.

31/12/69

Tómas Guðmundsson

Af barnum

Djöfull er langt síðan ég komst síðast í góðan skemmtistaðasleik.

Svo hittir maður bara Kjartan Gunnars á djamminu!

31/12/69

Tómas Guðmundsson

Að þakka það sem þakka ber

Æ hvað ég vildi að menn hættu nú að karpa þetta um borgarmálin sínkt og heilagt. Menn ættu heldur að líta út um glugga og horfa yfir á borgina okkar dásamlega fögru og yndislegu - og þakka guði, forsjóninni og öllu þeirra hyski fyrir að búa ekki í moðerfokking Garðabænum.

31/12/69

1, 2