Mér finnst gott að maula ís,
mikið fínt og gaman.
Mamma er sko í mussu úr flís,
mikið er það gaman.
Er annars að pæla í því hvort þetta „sko“ eigi kannski ekkert heima þarna. Það er náttúrulega danska.
Þið einföldu déskotans ömurðarflón
sem örvingluð sitjið og starið
á glitskrúðugt úrkynjað evróvisjón
uns allt ykkar skynbragð er farið.
Pínleg standa prestagreyin
í predikunarstólum.
Ekki vilja gifta geyin
en ganga þó í kjólum.
Helblá krumlan kreistir mig
í kafi marar hafísinn
hve þá lengi lystir þig
að lafa þarna Davíð minn?