Baggalútur

Forystugrein – Enter

Enter

Jæja. Þá er blessað bensínið komið upp fyrir 120 krónur á lítra. Í þetta skiptið ku það hafa hækkað vegna hvassviðris í henni Ameríku. Skítt, vissulega, en svona er nú bara heimurinn. Ekki ráðum við veðrinu þarna vesturfrá.

Þeir mega þó eiga það, blessaðir bensínsölumennirnir að þeir hækkuðu ekki lítrann nema um fjórar krónur þrátt fyrir að þörfin í síðustu viku hafi verið, eins og flestum er kunnugt, 8 krónur og 50 aurar. Þetta eru auðvitað öðlingar, alltaf tilbúnir að fórna sér fyrir alþýðuna.

Svo er það auðvitað orðum aukið hjá mér að lítrinn sé kominn yfir 120 krónur, því vissulega get ég hæglega dælt sjálfur á bílinn fyrir skitnar 117 krónur, rúmar. Ég á ekki að láta mína leti flekka orðspor blessaðra bensínsölumannanna.

En ekki er útlitið gott. Nei, nú er þörfin, eins og þið eflaust vitið orðin heilar sjö krónur. Sjö króna þörf! Hugsið ykkur bara. Samt bíða þeir, blessaðir, ætla jafnvel að bíða til morguns. Því auðvitað vilja þeir ekki hækka lítraverðið fyrr en fullreynt er að það gangi ekki til baka. Hvílík ósérhlífni. Hvílík mannúð.

Ég vil bara hvetja fólk, um leið og það léttir undir með bensínafgreiðslufólkinu og dælir sjálft (og sparar um leið!) að gauka nú fimmhundruðkalli, eða þúsund, aukreitis í kassann - okkur munar ekkert um það, en það getur skipt sköpum fyrir bensínsölumennina, blessaða.

Og ekki viljum við að blessaðir bensínsölumennirnir fari á hausinn. Nei, hjálpumst að, höldum þeim á floti, ekki nema bara fyrir það að halda samkeppninni gangandi.

5/9/05

Fréttir

Enter – 23/5/13

Ný ríkisstjórn verður í háskerpu

Enter – 21/5/13

Kolbeini kapteini meinaður aðgangur að kommentakerfum

Enter – 20/5/13

Paul McCartney semur fyrir Brúðubílinn

Enter – 18/5/13

Norður–Kórea lýsir yfir sigri í Eurovision

Númi Fannsker – 16/5/13

Búin að eyða endurgreiðslunni

Útgáfa

Lesbók frá fyrri tíð

Sorp

En stórkostlegt!

Nú er í umræðunni að breyta fyrirkomulagi sorphirðu á landinu. Meðal þess sem breytingarnar fela í sér er að hver sorptunna verður merkt eiganda hennar, magn sorpsins verður mælt þegar hún er tæmd og gjald vegna losuninnar verður byggt á því magni.

Þetta eru mjög góðar fréttir fyrir þá sem láta sig umhverfið varða, því með þessu móti verður ef til vill hægt að sporna við ýmiss konar ofnotkun, t.d. munu líklega margir frekar kjósa að lesa dagblöð á Internetinu til að spara pappírsnotkun.

Þá eru þetta einnig góðar fréttir fyrir þá sem eru neyslugrannir á slíkan úrgang, því gjaldið sem þeir þurfa að greiða fyrir sorphirðu verður í samræmi við neyslu þeirra.

Sjálfur mun ég líklegast bara fara að nota ruslatunnu nágrannans.

Spesi 17/3/04