Nokkuð hefur borið á dónaskap í gestabók í dag. Mikið leiðist mér þegar gestir nota þennan vettvang til að vega að saklausu fólki með dónaskap og ljótum munnsöfnuði. Við beitum ekki skærum ritskoðunar að gamni okkar hér á ritstjórn Baggalúts, en svo langt gekk níðið að ekki varð hjá því komist að klippa. Ég vil því biðja alla gesti að gæta nú tungu sinnar og beita öðrum meðulum en sóðakjafti og subbuskap til að koma skoðunum sínum á framfæri. Baggalútur vill ekki leggja nafn sitt við þvílíka ósvífni sem skaut upp kollinum í gestabók í dag.