Einhvern tímann hefði nú einhver fengið atgeir í kviðinn fyrir að segja það – en assgoti var þetta samt vel af sér vikið hjá norska krúttfiðlaranum.

Eftirpartí hjá mér í pottinum. Síðastur til að taka Nínu er fúlegg.

Hippsterinn nefbleikur hímir við vegg.
Hljómsveitin fannst honum óvenju slöpp.
Skimar og gónir sem úlfur á egg
að einhverju kvenslags að taka á löpp.
Að þetta grey skyldi álpast á legg,
agndofa spyr ég mig, rök eru knöpp.
Allt sem hann hefur er húfa og skegg
– við Hörpu loks króknar með fingur við öpp.

Þvílíkur ófögnuður. Ég er búinn að vera í allan morgun að smúla laugina.

Þetta er í síðasta skipti sem Órækja fær að halda partí.