Mér finnst gott að maula ís,
mikið fínt og gaman.
Mamma er sko í mussu úr flís,
mikið er það gaman.
Er annars að pæla í því hvort þetta „sko“ eigi kannski ekkert heima þarna. Það er náttúrulega danska.
Þetta er ekkert einfalt mál.
Mér hefur til dæmis alltaf þótt hæpið að ég beri persónulega ábyrgð á því hve leiðinlegt er í messum. Eða þessum asnalegu kjólum sem prestarnir eru í.
Fjær er nú fornri
frægð sinni
þjóð í djúpri dellu;
ólánsmistur
auðs og fjárglæfra
sveipar Svörtuloft.
Fráleitt axlar ábyrgð
eigin klúðurs
ráðþrota ráðherrafans;
en öll þeirra óráð
fær alþjóð
um eilífð upp borgað.
Ég hef ákveðið að uppfæra orðaforða minn til að vera í takt við tímann: Í stað þess að segja „Segðu...“ þegar ég er sammála síðasta ræðumanni segi ég núna „Heldurðu...“ Miklu meira inn.