Ósmekkleg ummæli um Baggalútinn. Hvert stefnir þessi heimur eiginlega?
Ég rakst á heimasíðu Gísla Baldvinssonar þar sem hann gefur sterklega í skyn að Bagglúturinn eigi hvorki að heyrast eða sjást. (Á líklega við útvarpsþátt Bagglýtinga)
Þetta efni er af síðu hans, sem má einnig finna http://frontpage.simnet.is/gislib/svinesuppe.htm [tengill] Hér: [/tengill]
"Svínasúpa og baggalútur
Ég held að ég sé að tapa skopskyninu. Þegar ég horfi á eða hlusta á skop nýju skemmtanakynslóðarinnar sé ég og heyri varla annað en kúk og piss.
Allt gengur út á níð um náungann og hreint og beint klám. Ef einhver hefði sagt mér að ég ætti eftir að skrifa grein og hrópa upp og kalla: Klám, klám! Hefði ég hrist höfuðið. Vafalaust sagt: Klám er eitthvað óskilgreint og bundið við fólk sem hefur svo þönga siðferðiskennd að það er með höfuðverk alla daga.
En nú er öldin önnur og bítlalög spiluð af sinfóníuinni. Eftir þrjú ár getur Paul bítill sungið: When I ´m sixty four.
En sem sagt mér er það alveg óskiljanlegt hvernig menn getað hlegið af "gigsi" eins og framleitt er í þessum brandarasúpum.
Ég hef svo sem ekki lyst á að taka dæmi. Líklegast er ég að þvinga einhvern með því að hlusta eða horfa á þessa súpugerð.
En framleiðslan er subbuleg. Svo subbuleg að hún ætti ekki að heyrast eða sjást klukkan 17, 20, eða 23.
Ja, svei, ég er meira að segja farinn að mæla með ritskoðun.
Ég hlýt að hafa týnt húmornum.
(gb mars 04)"
Enn og aftur vildi ég geta gefið stjörnur í mínus eða hauskúpur.
Nú sammála þessu með svínasúpuna þykir hún miður skemmtileg. En það ætti að dæma þennann mann í þræklkunar vinnu fyrir að nýðast á saklausum baggalútum.
Hver er maðurinn?
Annars má manngreyið hafa sína skoðun, það er ekki hægt að þvinga húmor upp á nokkurn mann. Ég þekki fólk sem fæddist án skopskyns og veit það vel sjálft.
Hey, þetta er hlustandi Rásar 2! Mig hefur lengi langað að vita hvar hann héldi sig.
Baggalútur er annað og meira en bara einhver brandarasíða. *Verður rauður í framan* Lifi Baggalútur!
Baggaljótir (er það ekki annars rétt orðmynd?) voru ekki farnir að heyrast á öldum ljósvakans í mars, var það?
Já, ég held maður neyðist nú bara til að taka undir þetta með Svínasúpuna. Og maður hefur svo sem heyrt, m.a.s. frá gallhörðustu baggalýtingum að þeir hafi ekki virkað í útvarpi, en ég get ekki dæmt, missti alltaf af þeim.