Það ríkti mikil gleði og glaumur í afmælisfagnaði Herra Ólafs Ragnars Grímssonar forseta í Borgarleikhúsinu í gærkvöldi. Að sögn gesta var vel veitt af áfengi og skemmti fólk sér frameftir nóttu. Meðal þekktra gesta má nefna Þórhildi Danadrottningu, Tony Blair forsætisráðherra Bretlands og Megas.
Dætur forsetans, þær Dolla og Tunna gáfu föður sínum erótískan dans í tilefni afmælisins og var hann frumfluttur fyrir veislugesti við misjafnan fögnuð.
Að öðru leyti fóru veisluhöld vel fram og óskar Ritstjórn Bagglúts herra Ólafi hjartanlega til hamingju með sjötugsafmælið.
Rasskinna
Erótíska raftímaritið Rasskinna er komið út! Fjöldi ljósmynda!
Tryggið ykkur eintak!
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.