Þvílíkt og annað eins, hvað hefur gerst hér? Ég vaknaði með burknann hans Spesa í lúkunum í Týrólabuxum af Myglari. Svo virðist hér hafa verið hamflett nagdýr af einhverju tagi með vasahníf. Og dýrið steikt á pönnu. Getur verið að... Æi, hefur nú óminnishegrinn fjötrað mig í sínar fjaðrir og stolið mínu geði. Öl er ekki fyrir veiklynda menn sem mig. Eða eins og skáldið kvað:
Ölur eg varð,
varð ofurölvi
að ins fróða Fjalars.
Því er öldur best
að aftur um heimtir
hver sitt geð gumi.
Nú er bara að drífa sig í Dýraríkið og kaupa nýjan naggrís áður en ritstjórn mætir, ætli ég verði ekki að skúra hérna líka, svo virðist ég hafa selt upp á hvítabjarnarfeldinn hans Pemisar. Best að hringja í mömmu.
Neisko, hér er smá lögg eftir, kannski ég fái mér einn sopa eða svo rétt til að róa taugarnar.