Já, það getur verið vanþakklátt starf að vera fréttamaður. Reyndar kann fólk oftast vel að meta það að fá að vita hvað er í gangi hverju sinni í heiminum sem það býr í. Ef fréttirnar eru síður gleðilegar á fólk það hins vegar til að "skjóta sendiboðann", eins og það er kallað. Af þessu hafa verið lituð viðbrögð fólks við viðtali mínu við Jón Gnarr á föstudaginn. Sjálfur hefi ég ekkert á móti manninum, þetta er afar blíður og vænn einstaklingur. Ég hafði meira að segja mjög gaman af að hlusta á þjóðfélagsrýni Tvíhöfða og er skarð fyrir skildi ef ljósvakamiðlana mun skorta slíka umræðu í kjölfar þessa klofnings. Við skulum samt vona það besta. Kannske koma Jón og Gulli aftur. Mikið væri það nú gaman.