Humm. Dagbækur. Ég hef nú aldrei verið mikið fyrir það að vera persónulegur. Á hinn bóginn er þetta ef til vill kjörinn vettvangur til að koma svívirðingum óritskoðuðum á framfæri. Tjah hví ekki það. Það sem að mínu mati stendur uppúr í dag klukkan 14:51 (dagurinn sirka hálfnaður) er að Aríel Ultra Sharon hefur látið myrða einn af fáum mönnum sem geta borið vitni gegn honum fyrir Belgiskum dóstólum og fengið hann dæmdan fyrir fjöldamorð. Ég gef alþjóðasamfélaginu viku til að fatta tengslin. Bandaríkjamenn undirstrika skilningsleysi sitt í alþjóðamálum með enn einni stuðningsyfirlýsingunni við hryðjuverkasamtökin Ísrael. Heimurinn stendur og fellur með manni sem skrifaði undir vel á annað hundrað aftökuskipanir. Heimurinn á enga von. Alltént enga sérstaka von.