Hananú! Er nú búið að hafa hann Gest af manni? Að manni forspurðum! Hvert þó í hoppandi!

Hvaða reginiðjóti datt í hug að taka ástmögur þjóðarinnar af dagskrá? Eina útvarpsmann í heiminum sem kemst upp með að spila þrjú Bítlalög í röð og tala yfir megnið af þeim. Um veðrið.

Hann Gestur okkar! Sem við elskum öll og dáum. Farinn. Að eilífu þagnaður! Á maður þá ekkert að kveikja á útvarpinu framar á morgnana? Jesúsminn! Ég hugsa með hryllingi til aðfangadags - það verða engin jól ef Gestur Einar spilar ekki Jussa Björling í lok síns árlega jólaþáttar. Engin jól! Og á þá að hafa af manni jólin líka?

Vei þeim sem tóku þessa ömurlegu ákvörðun í andstöðu við heila þjóð - skömm þeirra er mikil!