Eru Íslendingar þá loksins orðnir marktækir menn með mönnum á alþjóðavettvangi? Búnir að finna hvorki meira né minna en gereyðingarvopn í Írak! Vopn sem Halldór Ásgrímsson sagðist sannfærður um að væru í landinu! Og hann sparar ekki strákunum sínum þakkirnar; hann er hvorki meira né minna en "stoltur af þeim" og hann segir fundinn undirstrika mikilvægi Íslands í alþjóðlegu samstarfi - eins og það skipti einhverju máli hvort maður heiti Einar eða Lars þegar manni er sagt að moka eftir sprengjum á fyrirfram ákveðnum stöðum.
En hvað fundu íslensku hetjurnar í Írak? Strákarnir okkar. Jú þeir fundu nokkrar 20 ára gamlar gassprengjur - bandarískar.
Húrra - Íslendingar hafa réttlætt stríðið í Írak! Vestrænni menningu er borgið!