Rakst áðan á veikburða þýðingartilraun á orðskrýplinum app. Var það þýtt sem appli, sem óneitanlega vekur hugrenningatengsl við ávöxtinn sívinsæla epli.

Nema hvað.

Þetta mætti taka lengra. Hvers vegna ekki að notast einfaldlega við orðið afl?

Menn geta þannig aflað upplýsinga, beitt afli, átt ákveðið aflamagn og kunnað ýmis aflabrögð.

Það besta er samt að þá getur maður ófeiminn iðkað aflapot í símanum sínum.