Neisko. Haldið þið ekki að það sé verið að endursýna Allt látið flakka í Sjónvarpinu.

Þið vitið, þessa með Dolly Parton. Frá árinu 1992. Sem var sýnd síðast í febrúar.

Þá var hún raunar aðeins ómerkileg föstudagsmynd, en nú er henni skipað í öndvegi á laugardagskvöldi. Þjóðinni allri til óumdeilds yndisauka.

Og takið eftir tímasetningunni gott fólk. Hún er að sjálfsögðu útspekúleruð eins og allt annað á dagskrá Sjónvarpsins. Síðast var hún nefnilega sýnd föstudaginn 13. Nú á sjálfri hrekkjavöku. Tilviljun?

Varla.

En allt um djarfar og óútreiknanlegar ákvarðanir, sérstætt skopskyn og kvalalosta innkaupastjóra erlends dagskrárefnis hjá RÚV. Snúum okkur að myndinni sjálfri.

Svei mér ef hún er ekki bara verri en mig minnti. Og brjóstin á Dolly stærri.

Að öðru leyti stend ég við fyrri dóm minn.