á ég nú lífið að leysa
ljótt er það, klúður og hneysa
kóngur vill koll minn
kvið, tær og hroll minn
ef tekst mér ei rímhöll að reisa
því yrki ég saman og sundur
sögulegt ljóðkynja glundur
er fjallar um fall mitt
í forugan gallpytt
í kvæðinu hetjan er hundur
í pyttinn ég féll kringum páska
er pissa ég vildi af gáska
klístrað var klóið
í klípu var róið
skítugt var skáldið í háska
þar sem ég sat þar í sárum
sá til mín hrúga af hárum
glaðlega gelti
gaf til mín belti
fés mitt, það flóði í tárum
hér færðu höfuðlausn mína
höfðingi manna og svína
ef líkar þér lítið
ljóðformið skrítið
í tákn skaltu reyna að rýna