Jæja - þá er Myglar farinn að pússa spariskóna og Spesi kominn í kjólfötin. Það þýðir bara eitt - nú ætla þeir félagar að taka á móti Vefverðlaununum fyrir hönd Baggalúts. Ég kemst því miður ekki, þar sem við Kaktuz höfum mælt okkur mót við einn fremsta sameindaverkfræðing Belgíu sem hér er staddur á vegum Briddssambandsins. En hvar í dauðanum er Enter? Síðast hitti ég hann í gærmorgun hérna frammi á gangi og þá hélt hann yfir mér þrumuræðu um metnaðarleysi íslenskra bókaútgefenda sem ekki gætu ropfrussast til að gefa Íslendingasögurnar út sem buslubækur.