Þar eð oss grunar að annað árið í röð muni ritstjórn eigi lesa upp jólakveðjur á Þorláksmessu (sem orðið var ómissandi hluti af jólastemmningunni í vorum huga) stofnum vjer þennan þráð í staðinn. Hjer geta gestir sent jólakveðjur.
Kemur hjer fyrsta útgáfan af einni eða fleiri jólakveðjum frá oss. Vegna mikils reglugerða- og lagafargans er m.a. tengist baráttu gegn óvinum ríkisins er kveðjan nokkuð óljós en nýjar útgáfur af kveðjunni munu birtast takist að fá undanþágur frá einhverjum af þessum reglum.
Kveðjan:
Það tilkynnist hjer með opinberlega að vjer sendum (*) nær og fjær hjer með opinberlega bestu (**)- og (***)óskir með þökk fyrir ár(****) sem er liðið, er að verða liðið eða mun einhverntíma líða.
Vladimir Fuckov
(*) Hjer ætti að vera eitt eða fleiri nöfn og/eða orð er nær yfir hóp en þar eð allt slíkt gæfi í skyn hvaða nöfn er ekki að finna á listanum yfir óvini ríkisins er skv. reglugerð GBVDRE-748484889C bannað að gefa upp nafn/nöfn/hóp hjer. Nafn/nöfn/hópur birtast vonandi er nær dregur jólum fáist undanþága frá þessu.
(**) og (***) Bannað er að gefa upp tilefni kveðjunnar vegna hættu á hryðjuverkaárásum óvina ríkisins er tilefnið á sjer stað.
(****) Bannað er að gefa upp hvaða ár er um að ræða af svipuðum ástæðum og í (**) og (***).
Elskurnar mínar, nær og fjær, mínar innilegustu jóla og áramótakveðjur til ykkar og kærar þakkir fyrir allar yndislegu rafrænu og raunveru samverustundirnar.
Ég hlakka mikið til að halda þessu áfram restina af þessu ári og allt næsta ár og jafnvel lengur.
Kv Dula.
Takk þið sem hafið stutt mig á erfiðum tíma í lífi mínu.
Takið til ykkar sem eiga, þið eruð sannir vinir.
Tígri.
Til hamingju með jólafríið og jólasteikur og jólagjafir og áramót og Ákavíti (og Brennivín) og álfabrennur...
Megi Enter blessa ykkur öll.
Skarpmon Skrumfjörð
Gleðileg jól, gæfuríkt ár.
Þökkum liðið sem hékk með mér á árshátíðinni... hinir geta bara... já, haldið normal jól.
Sendi Gestapóum nær og fjær bestu jólakveðjur og heimta að þið hafið það sem best um jólin, sem og um ókomna framtíð.
Grágrímur
Gleðileg jól/Saturnalia/Dies natalis soles invicti/Kristsmessu/Hanukkah/Eid ul-Adha/Yalda/Chrismukkah/Kwanzaa/Festivus/Hogswatchnight, og gleðilegt nýtt ár, hvenær sem það hefst. Þakka fyrir árið sem senn lýkur og þá sérstaklega hittinga.
Megið þið hafa það sem allra best yfir hátíðarnar- og munið að detta ærlega í það um áramótin (1. 10. og 14. jan, 8. feb, o.s.frv.)
xT
Tina St.Sebastian
Ég vil óska öllum hluthöfum í TE samsteypunni, sem og Baggalútum öllum nær og fjær, gleðilegra jóla.
Íííííííhaaaaá!! Skiptir hattinum út fyrir jólasveinahúfu
Óska öllum, nær og fjær gleðilegrar hátíðar. Aðaleggó fá heila kverðju en aukaegó verða að skipta með sér hálfri kveðju.
Gleðileg Jól til allra, en jafnvel gleðilegri jól til þeirra sem hafa myndir og eru merkilegri en ég.
Hyvää Joulua ja Onnellista Uutta Vuotta!
Gleðileg Jól og Farsælt Nýtt Ár!
Gleðileg jól mínir félagar og vinir á Baggalút. Megi næsta ár heilsa öllum með skemmtinlegum félagsritum og hnittnum innleggjum af ýmsum sortum.
Elskulegur faðir minn, tengdafaðir, afi, langafi, móðir, amma, langamma, bróðir, systir, kæru vinir og Gestapóar.
Sendi ykkur öllum hugheilar jólakveðjur. Þakka allt liðið, nema vinstri bakvörðinn.
Fyrir hönd barna, tengdabarna og barnabarna:
Línbergur Leiðólfsson
Gleðileg jól! allir Gestapóar nær og fjær.
Gleðileg jól til ykkar allra hér á Gestapó.
þið hafið hjálpað mér meir en þið getið ímyndað ykkur á erfiðum stundum.
Megi hamingja, friður og gleði fylgja ykkur í framtíðinni.
Galdrameistarinn og aukaalteregóið Tígri.
Ég sendi öllum Gestapóum nær og fjær bestu óskir um gleðileg jól og farsælt komandi ár. Ég þakka ennfremur ánægjulegar stundir á árinu, sem senn er á enda.