Leifur fyrir langa ferð
lauk við sláturkeppinn.
Síðar þótti af þeirri gerð
þokkalega heppinn.
1. Leifur heppni
Leifur krús úr kneifar
kjöl svo vökvar fölur
öl hans eykur bölið
illt er miði að spilla.
Stefnu nýja nefnir
nú þá öl er búið
finnur vín og vinnur
viðurnefnið heppni.
Þar sem við Regína erum bara tvö innskráð á Gestapó núna, þá vindum við okkur bara beint í lið númer 2 hjá Bölverki og hugum að haustinu.
Öskufokið fær nú að
fylla vit og lungu.
Síðar kemur sannkallað
sviðahaus(t) með tungu.
Óskaplega hef ég mikinn áhuga á slátri núna?
Mér sýnist við vera á svipuðum slóðum, bæði með Leif, og með haustið. Ljómar upp
2. Haust
Lægðir yfir leggjast
landið sem að kvefast
út úr götum öllum
eðja fer að renna
yfirborðið ólgar
upp er stígur hitinn
vírus út skal vatna
virkni með í Kötlu.
Það er örugglega einhver hundur í Bölverki, þannig að við vindum okkur bara í lið númer 3.
Er nokkur hundur í þér, Regína?
Hundar eru gæðagrey,
geðjast vilja hverjum þeim
er skammar þá og segir: Svei!
Sittu! Leggstu! Farðu heim!
Nú fór ég aðra leið.
3. Hundar
Hundur er í herrum þeim
sem höfðu áður stjórn.
Enn til valda eru geim
með illa dulda fórn.
Heimilin þeir hafa séð
sem hæfilegan skatt.
Þeir frelsi okkar fara með
á fótum sínum platt.
Við skulum svo klára þetta á köttunum áður en Bölverkur birtist og brýtur mótið.
Kattavinir, komið! Hó!
Kunna þeir á vísnadót.
Komdu litla kisa. Pó!
Komdu líka' á þetta mót!
Ég sá Pó vera að sniglast hérna, en hann segir ekkert.
Pó hlýtur að hafa hrökklast frá fjölmenninu og hinum erfiðu kveðskaparefnum.
4. Kettir
Köttum sem að klóra og bíta
kemur þú í lóg.
Líka ef þeir inni skíta,
af því fljótt færð nóg.
Ekki skaltu ala þessi
illyrmi við brjóst,
þeim sem hafa þraut af fressi
þetta skyldi ljóst.
Nú þarf ég að hlaupa.
Móti er því slitið.
Takk Regína fyrir gott mót. Það var ánægjulegt að endurvekja þetta. Ljómar upp
Vinsamlegast leggið ekki hér inn fyrr en næsta mót verður sett.
Afsakið, en ég tafðist.
Hagyrðingamót verður haldið viku frá því þetta er ritað, þriðjudagskvöldið 29.nóvember klukkan 21:30.
Þátttakendur yrki um þetta:
1. Bið.
2. Blöð.
3. Bjór.
4. Allt.
Einnig er leyfilegt að yrkja um hvaðeina sem fólki dettur í hug að hinu undanskildu. Leynilegt yrkisefni verður tilkynnt á mótinu.
Óleyfilegt er öðrum en stjórnanda að tjá sig í óbundnu máli á mótinu.
Ekki skrá þátttöku hér á eftir, félagsritið er til þess brúks.
Kæri vin, ef kvæðagaman kannt að stunda
Stirðan penna máttu munda,
munt svo hafa nóg að dunda.
Mótið er sett.
Þið megið kynna ykkur ef þið viljið, en annars má bara vinda sér í að bíða.
Jólum eftir bíða börnin,
bráðum kemur jólasveinn.
Hlakkar kaupmann til að törnin
trítli inn með bónus einn.
Beið ég eftir bögum hér
bætist senn í flæði.
Gæðastraumur glæðast fer
greitt þá renna kvæði.
Bið er lélegt yrkisefni,
ekkert nú ég finn.
Þess að bíða er best í svefni
að birtist andinn minn.