Vertu kæri velkominn!
Varaforseti Pence ég dái þig,
Vera muntu vinur minn
því verð þú bæði heiminn og mig.
Afmæli á Bjarni Ben.
Blessun Íslands hann ég tel
Engeyinga góðu gen
gefist hafa okkur vel.
Hræða varla hingað slæðist;
heldur ös en deyfð ég veldi.
Í næði ekki gullið græðist.
Hver geldur oss nú laun að kveldi?
Systir mín í sóttkví
syngdu og kveddu af því
ég ætla að ljá þér ljóðabækur
að líta í.
Háar blokkir vindinn veiða
velta honum mér í fang.
Kraftar hans mig niður neyða.
Nú ég skríð um malbiks vang.
Gúndi hann er góður kall.
Gott er vininn hinn snjalla að kjósa.
Átti við hann ágætt spjall
um illan Soros, þann djöfuls fósa.
Klósettvinir kunnugt gera:
Kúk og skeini og vatn og hland
aðeins látum lagnir bera,
en látum rusl ei þar í bland.
Hún fékk bók, en hann fékk nál og tvinna.
Heldur betur gjöfin sú var þörf.
Hann ætlaði við seglasaum að vinna.
Systirin hún stefndi á bókhaldsstörf.
Nú er Trump minn farinn frá;
forsetinn sem ég dái mest.
Amiríka vill hann aftur fá.
Af öllum reyndist hann þar bezt.
Fimmtungur af okkar öld
orðin núna liðin
Dónaldinn sem var við völd
Viðraði hér friðinn.
Friður var um fjarlæg lönd
En fárið kom og veikin.
Nú er Dónald orðin önd
Og endurtekur leikinn.
Gúnda minn, þann góða mann,
get ég ekki valið,
því Simma vin er alþjóð ann
mitt umboð hef ég falið.
Nú klósetthátíð haldin er.
Ég hef mín klósett þvegið.
Þá bak og kviður kalla fer
þið koma til mín megið.
Á þessum degi þakkargjörð
þeir fá er stóðu dyggan vörð
um okkar land og Íslands mið
Hið Amiríska Varnarlið
Það kenndi oss svo ótal margt.
það upp að telja get ég vart.
Það kynbætti hér klakaþjóð
og kynnti blús og rokksins móð.
Kalkún nú að Kanans sið
kát með öli étum við,
og milli bita blessum hátt
bandaríska hersins mátt.
Framtíð kemur köld og dul.
Kvótans hækkar sífellt virði
En alltaf verður Guggan gul
og gerir út frá Ísafirði.
Kjósa mun ég Miðflokkinn
magnað Sigmunds vitra lið.
Klárt er það og kjörþokkinn
kom þeim nú á sigurskrið.
Vita máttu að vitið er
vitrum manni akkur hér.
Vitanlega vit ég ber,
hér vitamálastjóri fer.