Oní lungun í mig dró
eiturnaglabrælu.
Það mig næman niður sló.
Nú ég ligg í ælu
Gerringur og glamuryrði
gjarnan var þitt svar.
Gerringur og glamuryrði
gjarnan var þitt svar.
Með derringi ég dömur spyrði
er dreg þær út af bar.
Er hún dó þá upp hann reis
auminginn hann Kalli.
Er hún dó þá upp hann reis
auminginn hann Kalli.
Strauk sinn feita karlinn keis
og kjagaði svo inn til Freys.
Kempan þótti kappi mikill
og karlmenni hún var.
Kempan þótti kappi mikill
og karlmenni hún var.
Leiddist henni lopahnykill
en lagði oft á mar.
Imbakassinn fær nú frí
því festist ég í síma.
Imbakassinn fær nú frí
festist ég í síma
og blaðalestri lenti í
og ljóðmælum sem ríma.
Kona las úr lófa mínum,
að lof og frama eg muni hljóta.
Kona las úr lófa mínum,
að lof og frama eg muni hljóta.
Gommu fá af gripum fínum,
með glöðum konum þeirra njóta.
Undirbúning allan vann
en ekki gekk þó verkið.
Undirbúning allan vann
en ekki gekk þó verkið.
Yrkja meira ekki kann
er nú fallið merkið.
Til að þurrkast ekki út
yrki ég hér kímna stöku.
Til að þurrkast ekki út
yrki ég hér kímna stöku.
Mig þú gætir kvatt í kút
með kvæði þínu ekki löku.
Ort ég hef um andskotann
sem aldrey hefur svarað því.
Ort hef ég um andskotann,
sem aldrei hefur svarað því.
Því hann ekki yrkja kann
eða hefur tekið frí
Frá honum fékk ég marga mola
miðjafna að gæðum.
Frá honum fékk ég marga mola
miðjafna að gæðum.
Óbragðið samt ætla að þola,
upp í munn þeim læðum.
Gott er hans að nefna nafn
ef nokkuð liggur við.
Gott er hans að nefna nafn,
ef nokkuð liggur við.
Vondum djöfli djarft þú hafn.
af Drottni Jesú taktu mið.
Bið ég Guð að blessa þig
bezti vinur minn.
Bið ég Guð að blessa þig
bezti vinur minn.
Ef fæst hann til að finna mig
ég fram ber hina kinn.
Sálina ég sjaldan nota
setja ætti hana í pant.
Sálina ég sjaldan nota.
Setja ætti hana í pant.
Það gerir mína vanga vota.
Ég veit að guði um sál er annt.
Háskakvendið Þrúður Þöll
það í snöru flækti mig.
Háskakvendið Þrúður Þöll
það í snöru flækti mig.
Hafði um mig hróp og köll
og hélt ég myndi elska sig.
Ég dótabyssu fína fann
og fór beint út að leika.
Ég dótabyssu fína fann
og fór beint út að leika.
Setti mína byssu í bann.
bölvuð löggan keika.
Vandamál mitt er vímuleysi.
Viltu bæta það.
Vandamál mitt er vímuleysi.
Viltu bæta það.
Get ég þér boðið grímuleysi
og glóheitt þrifabað.
Munaðinn ég margan þrái,
mat og drykk þar fremst ég tel.
Munaðinn ég margan þrái
mat og drykk þar fremst ég tel.
Eðalavín ég vona að fái.
Vöfflur rjóma og fisk úr skel.
Skelfir mig minn skapadómur
Skjálfandi ég vakna oft.
Skelfir mig minn skapadómur
Skjálfandi ég vakna oft.
Almanna- það er víst -rómur
að mig skorti gleðiloft.
Finnst mér best að fá mér lúr
er fellur sól í stafi.