Af ástæðum er flokkast undir ríkisleyndarmál vantar oss hjer allar upplýsingar er gestir hjer kynnu að hafa um merki um að einhversstaðar hafi verið notaðar tímavjelar. Eigi þurfa gestirnir sjálfir að hafa notað tímavjelar, vjer erum frekar að leita að vitnum. Merki um notkun tímavjela geta t.d. verið atburðir er gerast í undarlegri röð, mjög furðulegar tilviljanir, eitthvað er birtist eða hverfur alveg upp úr þurru, ýmsir undarlegir atburðir o.m.fl.
Mig grunar að OgVodafone hafi áskotnast tímavél. Oft senda þeir sms langt fram í tímann.
Ég sá Staupastein í gær. Þeir þættir hættu útsendingum fyrir ca. 15 árum.
Dularfullt.
Þetta passar. Ég hef orðið vör við fjölda fólks klætt undarlegum fötum, en eftir rannsóknir komst ég að því að klæðnaðurinn var einmitt algengur um miðbik níunda áratugar síðustu aldar.
Þessu hef ég líka tekið eftir. Þannig getum við ályktað að það eru miklar líkur á því að tímavélar hafi verið til á 9. áratugnum og verið í virkri notkun, enda sést fólk frá þeim tíma reglulega á götum borgarinnar. Af einhverjum ástæðum virðist mannkyn hafa glatað niður getu til að nota eða búa til tímavélar eftir þann tíma.
Hvað ætli hafi valdið því að þessi þekking glataðist?
Eina mögulega rökrétta skýringin er sú að tónar gleðisveitarinnar Wham voru nauðsynlegir til að knýja slíkar vélar. Þeirra sérstaka harmóníska samspil olli nákvæmlega réttri blöndu hljóðbylgna til að titra líþíumkristalana í þessum vélum þannig að þeir gátu færst yfir í einskorðað ástand, sem er auðvitað grundvöllurinn að tímavélaprinsippinu.
Eftir að þessir kappar hættu störfum var því ekki mögulegt að halda áfram notkun tímavéla.
Þetta er góð kenning. Samkvæmt því er kostnaðurinn við tímaferðalög hreinlega of mikill, þess vegna eru þær ekki stundaðar. Það að þurfa að pínast og engjast yfir tónum Wham er hreinlega allt of mikil kvöl og kemst enginn ábati af tímaferðalögum í hálfkvisti við óhugnaðinn.
Andrew Ridgeley býr reyndar í kjallaranum hjá mér. Er ekki hægt að redda Gogga til landsins?
Samkvæmt Genfarsáttmálanum er bannað að flytja tónlist Wham, það var samþykkt af öllum þjóðum seint á 9. áratugnum eftir að síðasti hittarinn þeirra olli gífurlegu manntjóni, eignartjóni og andlegum skaða hjá hverjum sem heyrði.
Tina, þú ert að leika þér að öflum sem þú skilur ekki, og enginn maður getur skilið. Hættu við þessi hræðilegu áform áður en það er um seinan.
Birgir Ármansson hefur örugglega þurft tímavél til að ná sér í þessa klippingu sem hann er með.
Birgir Ármansson hefur örugglega þurft tímavél til að ná sér í þessa klippingu sem hann er með.
Styður báðum höndum á mjaðmir, hallar sér aftur og hlær eins djúpum hlátri og unnt er
Ef ég væri þú Vlad minn góður, þá myndi ég kanna Menntaskólann við Sund nánar.
Ég var í honum í eitt ár á sínum tíma og þar er eitthvað ekki með feldu.
Árlega heldur skólinn svokallað '85 ball, en eins og nafnið gefur til kynna var þetta fjarskalega fjörugt ball sem átti sér stað árið 1985 og þótti svo með eindæmum æðislegt að Menntaskólinn við Sund ákvað að halda þetta sama ball æ síðan.
Ef þú mætir á svæðið, fer ekki á milli mála að þarna er fólk frá öðrum tíma en 21. öldinni.
Vlad. Hættu að leika þér að tímanum. Þetta er munaður sem aðeins árar eiga að hafa!
Enn og aftur segi ég að ef ég ætti tímavél væri ég viðstaddur eigin jarðaför. Síðan mundi ég gerast ofurölvi og láta henda mér út fyrir að segja að karlinn í kistunni hafi verið bölvaður aumingi og lúser.
Vjer þökkum gagnlegar upplýsingar, Birgir Ármannsson og MS eru sjerlega grunsamleg fyrirbæri er rannsaka þarf nánar. Vjer viljum hinsvegar vara Bagglýtinga við að geyma Andrew Ridgeley og sambærileg fyrirbæri í kjallaranum hjá sjer. Slíkt þýðir aukna hættu á loftárásum.
Varðandi tímavjelaverksmiðju er nefnd var er það reynsla vor að flestar tímavjelar annaðhvort virka ekki eða eru svikin vara. Þær sem virka eru síðan afar flóknar í notkun, oss hefur enn ekki tekist að ferðast um nema 8 mínútur í tímavjel vorri er oss áskotnaðist á háleynilegan hátt fyrir nokkrum vikum. Reyndar erum vjer einungis búnir að lesa rúmar 18000 blaðsíður (þ.e. rúman fjórðung) í handbókunum er fylgja henni þannig að e.t.v. mun betri árangur nást síðar.
Ég hef sjálfa mig grunaða um að nota tímavél í tíma og ótíma (ef svo má að orði komast). Það er ekki einleikið hvað ég er alltaf ungleg. Hörund mitt er eins og nýútsprungin rós, hrukkulaust með öllu, rétt eins og það hefur alltaf verið. Hið fagra og mikla hár mitt er sömuleiðs rétt eins litfagurt og lifandi og það hefur alltaf verið, örlar ekki fyrir gráum illhærum. Hið eina sem er til marks um aukinn aldur minn er sívaxandi viska mín og þroski, sem og síþykknandi bankabókasafn.
Fannst réttast að játa þetta fyrir yður, kæri forseti.