Hundleiðinlegt veður og komið haust eða jafnvel vetur, a.m.k. í bili: Norðan strekkingur og vægt frost.
Sem betur fer hefur ekki enþá reynst þörf á því að draga fram kóbaltknúnu snjósköfuna sem reyndist mér vel síðasta vetur. Ætli það sé ekki samt kominn tími á að íhuga dekkjaskiptingar.
Hér er allt þakið í snjó, fjúk og jafnvel stormur. Almennt skítaveður.
Diotallevi hefur það fínt inni í hlýju íbúðinni okkar með góða bók og vænan krakkaskara. Í það minnsta vona ég það. Best að baka pönnsur á eftir.
Andskotans blindbylur - hárkollan fokin og gleraugun pökkuð af snjó. Ætti að kenna mér að vera ekki að spila golf í svona veðri.
Mér sýnist að ég ætti ekkert að vera að segja ykkur hvernig veðrið er hér hjá mér. Vil ekki græta neinn.
-
Himinninn er rauður.. það veit nú ekki á gott..
Lítur út um gluggan og hrekkur við Úff, já; þetta er undarleg og óhugnanleg birta.
Roðinn í austri, er það ekki annars? Ég er nefnilega að máta jólasveinabúninginn.
Nú, þú hefur bætt á þig nokkrum pundum, Haraldur minn, síðan að við sáumst síðast.
Getur ekki verið. Lyftir kinnunum til að geta hneppt efstu tölunni
Tilgangurinn með mjaðmaaðgerðinni var að þú yrðir léttari á fæti - og þá var ekki bara verið að hugsa um að þú kæmist oftar og hraðar í ísskápinn.
Komst að því um daginn að ljósið logar þegar ísskápurinn er lokaður.
Skoh! Það hafa fleiri en ég dottið inn í skápinn og lokað á eftir sér. Ferlegt mál þegar ég kom út úr honum aftur. Mamma misskildi allt saman og ætlaði aldrei að hætta að gráta.
Þú hefðir átt að segja henni að þú værir að æfa fyrir hlutverk í leikritinu "Njósnarinn sem kom inn úr kuldanum".
Meintuð þér eigi "Njósnarinn sem kom út úr kuldanum" ?
"Njósnarinn sem kom inn úr kuldanum" ... semsé uppá enskuna "The Spy Who Came In From The Cold". Ég kannast við það sem bók eftir njósnarareifarahöfundinn John Le Carré ... svo var held ég gerð mynd eftir bókinni. Af samnefndu leikriti hefi ég hins vegar aldrei heyrt.
Enn er bölvaður næðingur og skítakuldi. En birtan er falleg, himininn yfir Perlunni í pastellitunum...Hvað er Haraldur nú að máta þar eystra? Þessi síðasta setning gæti virst óskiljanlegt óráðshjal, en er vísun í umræður gærdagsins