— GESTAPÓ —
Almennir ritsóðar.
» Gestapó   » Almennt spjall
     1, 2, 3  
GESTUR
 • Svara • Vitna í •  Senda skilaboð Senda póst

Það hefur borist til eyrna minna, að í Færeyjum býr undarlegur þjóðflokkur sem kallar sig Færeyinga, og teljast ritsóðar mestir. Eru þeir meðal annars þekktir fyrir almenn mannréttindabrot, og eru eftirfarandi helst áberandi.

Dönskuslettur í almennu og rituðu máli.
Þágufallssýki.
Skrifa orðið yfir með vaffi.

Í ljósi glæpa þessara, er það niðurstaða mín að Ísland skuli siðmennta íbúa eyjanna með valdi, enda hafi þeir haft árþúsund til að lyfta sér upp á sambærilegt menningarstig og Íslendingar, en hafa ekki sinnt því af nægilegum áhuga og festu, að sjái. Er það ótti minn að skulu þeir komast upp með slíka hegðun lengur, verða eyjarnar eingöngu hluti af stærra Danaveldi, sem hefur lengi verið steinn í vegi Íslendinga. Möguleg hernaðaríhlutun Dana á eyjunum til að bregðast við þessari þróun yrði einnig bein ógn við lýðveldi Íslands, sérstaklega í ljósi komandi kosninga, þar sem fjáraustur Dana í dönskumælandi stjórnmálamenn gæti ógnað lýðræði Íslands, og gert okkur að leppsríki sínu.

 • Svara • Vitna í •  Senda skilaboð Senda póst
Regína 2/3/13 23:08

Bravó!

Drottning Baggalútíu. Varaforseti Baggalútíu. Dulmálssérfræðingur Hlerunarstofnunar. Meykóngur.
 • Svara • Vitna í •  Senda skilaboð Senda póst
Upprifinn 2/3/13 23:17

loksins aukasjálf með glóru.

Ríkissáttasemjari Baggalútíska heimsveldisins. Vonbiðill hinnar keisaralegu hátignar, hirðskáld og varavaravarakeisari. Níðskáld hinnar konunglegu hirðar. Nánast óþægilega kurteis...Besserwisser og Negradýrkari.‹Ljómar upp.›
GESTUR
 • Svara • Vitna í •  Senda skilaboð Senda póst
Hermann Blöring 3/3/13 12:21

Til Skansins Til Skansins! xT

GESTUR
 • Svara • Vitna í •  Senda skilaboð Senda póst

Þér eruð þá vonandi að tala um Skansinn í Færeyjum, en ekki í Vestmannaeyjum. Það virki féll fyrir hendi Íslendinga snemma á miðöldum þegar nokkrir Írar fengu þá flugu í höfuðið að þeir hefðu rétt á drepa hann Hjörleif. Hafa varnarmál í Vestmannaeyjum lengi verið í lamasessi, og kom það glögglega í ljós þegar nokkrir Tyrkir gátu næstum laggt eyjarnar í rúst. Ef til vill er orðið tímabært að minna vestmennina á hver sé meistari þeirra þó, og luma einni vaskri sveit inní ferjuna Herjólf. Eflaust myndi það virka betur en að senda dreggja Íslensk samfélags á lóðarí í eyjunum árlega.

 • Svara • Vitna í •  Senda skilaboð Senda póst
Kargur 3/3/13 16:39

Voru það ekki Alsíringar sem frömdu Tyrkjaránið?

Það held ég nú!
GESTUR
 • Svara • Vitna í •  Senda skilaboð Senda póst

Tæknilega, en þeir voru á áhrifasvæði Tyrkja sem áttu með réttu að kenna þeim mannasiði. Tyrkir voru ekki nægilega spenntir fyrir því að missa þessa tekjulind sem líka ónáðaði andstæðinga sína.

Annars var það einhver Hollendingur sem var skiptsjóri, og er talinn vera tímaferðalangur sem hafi verið að hefna fyrir Æseif.

 • Svara • Vitna í •  Senda skilaboð Senda póst
Vladimir Fuckov 4/3/13 20:00

‹Bætir nafni á listann yfir mögulega tímavjelarþjófa›

Af umræðunum hjer sjáum vjer ei betur en að hindra þurfi með öllu að Danir komist til Færeyja, hvort sem er sjó- eða loftleið. Sjóleiðin er auðveld viðureignar. Til að ekki þurfi að vera með gjörvalla strandlengju eyjanna í gjörgæslu hverja einustu sekúndu til eilífðarnóns, svo og til að verjast kafbátum á sem öruggastan hátt, teljum vjer best að reisa öflugan múr umhverfis eyjarnar nokkra km frá landi. Vestan eyjanna má svo hafa um 1 km breitt sjávartollhlið sem skipaumferð verður hleypt í gegnum undir ströngu eftirliti.

Loftleiðin er eitthvað erfiðari viðureignar. Það er ekki hægt að leysa það mál með því að hafa múrinn nokkurra km háan því það lyftir vandamálinu bara upp á hærra plan ef svo má segja - hætta yrði sem sagt á að Danir reyndu að komast til eyjanna í afar háfleygum loftförum ef ekki geimförum.

Forseti Baggalútíu & kóbalt- & hergagnaframleiðsluráðherra o.fl. Baggalútíu • Staðfestur erkilaumupúki • Óvinur óvina ríkisins #1 • Virðulegasti Gestapóinn, krúttleysingi og EIGI krútt • Óafvitandi aðili ósamhverfra vensla
GESTUR
 • Svara • Vitna í •  Senda skilaboð Senda póst

Þessar áætlarnir teljast góðar, en ég myndi helst vilja koma hosum á land þarna í Færeyjum, og hafa hraðar hendur, áður en þeir rýja allar kindurnar sínar og skilja ekkert eftir nema upprifinn mosa og ullarlausar kindur. Takist okkur að komast yfir þessi verðmæti ósnortin, gætum við fjármagnað nýja útrás og keypt einfaldlega danska herinn og sent hann til Sviss, þá yrðum við óhulltir svona næstu 24 árin þar til ný kynslóð danavarga kæmi fram.

Að eignast nokkra færeyinga til að hafa umsjón með kindunum væri einnig ágætt, í versta falli sætjum við uppi með fáar kindur og marga færeyinga, þá þyrftum við að láta kindurnar hafa umsjón með færeyingunum, og þykir feldur færeyinga vægast sagt slæmur til eingangrunar, en gæti nýsts sem eldsneytisgjafi í fiskveiðiflotanum.

Hef ég skrafað upp áætlun til frekari rýningar.

Í skjóli næturs komum við vöskum drengjum okkar fyrir í Smyrli, og segjum þeim að þykjast vera ferðamenn... fá þeir allir afhenta orðabók, ensk-íslenska og 350 ml brennivínspela til að auka á sannfæringarmáttinn. Brennivínið má ekki vera meira því þeir þurfa að vera orðnir búnir með það og allsgáðir þegar landi er náð í Færeyjum.

Inní bænum Þórshöfn er gata sem ber nafnið Titlíngsvegur, og er gráupplagt að hefja landvinningar okkar útfrá þeim punkti, en nokkrir vaskir drengir skulu vera eftir á höfninni til að hindra landflótta. Þar sem margir Íslendingar taka leigubíl uppá Titlíngsveg til að skoða skiltið, ætti þetta ekki að vekja grunsemdir. Þegar þar er komið verða flugbeittar naglaspítur teknar uppúr farangri manna vorra, og landvinningar hafnir. Verða skip Færeyinga í Þórshöfn gerð upptæk, og notuð til að leggja tundurdufl til að hindra aðgang dana, og hrifsa til okkar smærri eyjar. Mikilvægt er að kortleggja hvar tundurduflin verða lögð svo við lendum ekki sjálfir í þeim, en á sama tíma koma í veg fyrir að danir komist yfir kortið. Falli kortið í hendur þeirra er framtíð Íslands lokið, þar sem þeir komast gegnum tundurduflin, og munu einnig sjá hvar Ísland er að finna, og munu eflaust hefja innrás um leið og þeim tekst að staðsetja fallegu eyjuna okkar aftur á korti, en hún hefur verið týnd dönum í árhundruðir eins og hvert mannsbarn veit.. Aftur á móti hefur mér mistekist að koma með hugmynd hvernig hægt er að halda kortinu frá höndum dana.

Valmöguleiki 1. Hafa kortið úr gómsætum pappír, til að auðvelda átu skildu danskir komast nálægt því. Hængur: Gómsætt kort gæti freistað haldanda þess, og þá hefðum við sjálfir ekkert kort ef það væri borðað snemma.
Valmöguleiki 2. Hafa kortið á íslensku, sem danir skilja ekki. Hængur: Erfitt er að finna íslensk ungmenni í dag sem skilja íslensku.
Valmöguleiki 3. Hafa kortið á dulmáli. Hængur: Danir eru margrómaðir dulmálsbrjótar, enda er danska kennd í danaveldi frá fæðingu.

Þar liggja erfiðleikar okkar, án tryggrar innrásaráætlunar mun forseti lýðveldisins eflaust beita sínu margrómaða neitunarvaldi.

GESTUR
 • Svara • Vitna í •  Senda skilaboð Senda póst
Hermann Blöring 4/3/13 21:55

Vill ég leggja til að boðliðar okkar verði Eyfirðingar, því harður framburður Eyfirðings, okkur meinlaus, ofbýður viðkvæmum danaeyrum. Þetta ætti einnig að sjá um dreyfingu neftóbaks fram á vígstöðvarnar, því ekki mega danirnir sjá glóðina af píputóbaki, ellegar þeir skjóti á hana.

GESTUR
 • Svara • Vitna í •  Senda skilaboð Senda póst

Ekki þykir mér þetta mér hermannslega hugsað, nema kanski Hermannslega hugsað, skrifað með stórum staf.

Neftóbak býður eingöngu uppá hnerra, sem geta sett allar okkar áætlanir í vaskinn í hita leiksins. Ég mæli með íslenskum rudda sem menn troða í vörina á sér til að ganga í augun á kvenkostum á austurlandi, en útþembd efrivör hefur víst þótt frjósemistákn þar eystra síðan Rúv sýndi heimildarmynd um blöðruseli um árið.

Þess ber þó að gæta að menn spýti ekki hlandforinni þeirri á gangstéttirnar, ellegar gæti það æst færeyingana upp í uppreisn.

Eyfirsku boðliðarnir eru aftur á móti ljómandi góð hugmynd, en passa þarf að þeir komist ekki í matarbúrið og eitri pylsurnar.

 • Svara • Vitna í •  Senda skilaboð Senda póst
Regína 4/3/13 23:02

Í skjóli næturs? Hver eða hvað er nætur?

Drottning Baggalútíu. Varaforseti Baggalútíu. Dulmálssérfræðingur Hlerunarstofnunar. Meykóngur.
GESTUR
 • Svara • Vitna í •  Senda skilaboð Senda póst

Fjandinn fjarri mér, hef ég ekki tekið upp þennan ósköpnuð í einu ferðalaga minna til útlanda. Biðst velvirðingar á því, enda hef ég lengi dvalist í útlöndum.

Auðvitað meinti ég í skjóli myrkurs, sem getur verið fundið hvar sem er á Íslandi um vetrarmánuðina.

 • Svara • Vitna í •  Senda skilaboð Senda póst
Vladimir Fuckov 5/3/13 17:25

Ekki alveg hvar sem er - það er t.d. ekkert myrkur í friðarsúlunni (sem er að sjálfsögðu dulbúið danskt njósnatæki).

Varðandi það að halda korti því er áður var um rætt frá Dönum teljum vjer öruggast að klippa það niður í litla ferhyrninga og skal fjöldi ferhyrninga hafður jafn fjölda þátttakenda í umræddri hernaðaraðgerð. Jafnframt þarf að koma því svo fyrir að kortið sje með öllu ónothæft nema allir hlutar þess sjeu til staðar. Þar með komast Danir ei yfir kortið nema þeim takist að klófesta alla sína 'óvini'.

Forseti Baggalútíu & kóbalt- & hergagnaframleiðsluráðherra o.fl. Baggalútíu • Staðfestur erkilaumupúki • Óvinur óvina ríkisins #1 • Virðulegasti Gestapóinn, krúttleysingi og EIGI krútt • Óafvitandi aðili ósamhverfra vensla
GESTUR
 • Svara • Vitna í •  Senda skilaboð Senda póst

Frábær hugmynd Vladimir, þetta verður mesti hernaðarsigur Íslendinga síðan í jórturleðursuppreisninni gegn Ameríska setuliðinu, sem höfðu í árabil gengið um götur Íslands hrækjandi þessum andskota yfir allt og alla.

 • Svara • Vitna í •  Senda skilaboð Senda póst

Á nú enn að fara að ráðast á vini mína Færeyinga? Er aldrei komið nóg? ‹Strunsar út af sviðinu og skellir á eftir sér›

Verðlaunaður séntilmaður. HEIMSMEISTARI í teningakasti 2007 og 2008. BLÁR.
 • Svara • Vitna í •  Senda skilaboð Senda póst
Golíat 6/3/13 13:06

Herbjörn Hafralóns mælti:

Á nú enn að fara að ráðast á vini mína Færeyinga? Er aldrei komið nóg? ‹Strunsar út af sviðinu og skellir á eftir sér›

Nú erum við Herbjörn þó sammála!
‹Býst til varnar með Götumönnum›

Fyrrverandi geimferða- og fjarskiptaráðherra, forðagæslumaður Bagglútíska heimsveldisins og keisaralegur hundahreinsunarmaður.
 • Svara • Vitna í •  Senda skilaboð Senda póst
Vladimir Fuckov 6/3/13 13:55

‹Hrökklast afturábak og hrasar við›
En þessar aðgerðir eru að sjálfsögðu að hluta til til að vernda Færeyinga gegn Dönum.

Forseti Baggalútíu & kóbalt- & hergagnaframleiðsluráðherra o.fl. Baggalútíu • Staðfestur erkilaumupúki • Óvinur óvina ríkisins #1 • Virðulegasti Gestapóinn, krúttleysingi og EIGI krútt • Óafvitandi aðili ósamhverfra vensla
     1, 2, 3  
» Gestapó   » Almennt spjall   » Hvað er nýtt?
Innskráning:
Viðurnefni:
Aðgangsorð: