Hlýna rætur hjartans þá
heyrir mærin pilti frá:
Augu þín svo ofurblá,
ylja mér frá haus til tá.
Fimmtán Borgarfulltrúar
falast eftir sæti
Gaspra málum gullbrúar
gaula hátt með læti.
Fimm er tala forleiks ljúf
fimur strýkur hexið
herði korða, kóng við úf
kátt þá verður sexið
Læt hér mistök leiðigjörn
leiðréttast í stöku
Offara inn í kvæðakvörn
kippi með í næstu törn
Törnin er mér töm við verk
tek ég þá til handa
Þegar les ég ljóðin merk
ligg og vil ei anda.
Anda hratt já ótt og títt
enda kemur hér
kona ein með andlit frítt
óð í sex og ber
Bera skildi tár á torg
taumlaust flíka sorgum
Þar upp reka raunaorg
rifta spilaborgum
Spilaborgin Spillta dý
spákaupmanna ræsi
Berjast eins og slóttugt slý
slegist svo menn hvæsi.
Hvæsti fyrst og hváði svo
hvernig má það vera
Ég huga mína temja tvo
trauðla kann að gera
Gera má úr gufustrók
góðan orkubolta
Virkja mætti brátt í brók
brotkraft margra volta.
Þangbrandur fór til Þýskalands
þarfir sínar að gera
en svo fór allt til andskotans
því aulinn var með stera.
Sterum hef ég stungið æ oftar
stórum rassinn í
Argur ekki limnum loftar
lostans dautt er slý
Slýið fagra, slorið nett
sleiki ég á kvöldin
Tangarhaldið tunglið slétt
tekur af mér völdin.
Völd í höndum Villa rokk
valda munu pati
Gef mér heldur Gilla kokk
góður sjallakrati
Sjallakrati fór á flakk
fullur alla daga,
undan sveita bónda stakk
sjálfsagt mjög til baga.
[Ítrekað snupr: ST stuðlar ekki við S+sérhlj./V/J. Aldrei. Auk þess standa þessir ekki-stuðlar báðir í lágkveðum. Það er ekki síður ótækt. Lappi, hættu þessu rugli strax! Ég veit að þú kannt þetta. Hlebbi.]
ratar sjaldan rata heim
ráfi þeir um lönd og höf
lausnin er að lóga þeim
og leggja þá í vota gröf
Gröf í rata ratar þeir
reit hann Enter forðum
Ekki safna árum meir
er við lógum, borðum