Tjah, ég hef heyrt ótal margar ádeilur um þennan félagsskap. Ég er nú bara ekkert nema forvitin um hvað ykkur málefnalega fólkinu hér á Baggalúti sjálfum finnst um þessa hreyfingu og það sem henni tengist.

Á að leggja þessi kanilreykajandi og orgíustundandi gerpi niður eða leyfa góða fólkinu í samfélaginu að blómstra og hjálpa gömlum konum yfir götu.

Eru þetta kannski bara staðalímyndir sem eru útí hött?

Haldiði skátunum bara frá mínum varðeldum, skemmtunum og fjöldasöng og þá verður þetta allt í góðu.

Er ekki hátt hlutfall skáta líka framsóknarmenn, ég held að þetta sé sama syndrómið.

Það er nú fátt sama syndrómið og Framsóknarmennska, nema kannski gin- og klaufaveiki.

Má ég þá ekki vera með ykkur lengur?
‹Brestur í óstöðvandi grát›
Ég var skáti...

Eitt sinn skáti, ávalt skáti?

Ég hef reyndar ekki stundað það að vera skáti í nokkur ár. Hef ekki farið á landsmót síðan ‹hugsar stíft› 1989.

Ég hef séð nokkra ávala skáta.

Ég var víst skáti.

Í minni æsku fengu nokkrir félaga minna skátabakteríu í nokkrar vikur. Ég þrjóskaðist við þessu rugli. En að lokum var ég dreginn á skátafund fyrir byrjendur. Ég sá þá fram á að geta lært að gera flotta hnúta, nota (leika með) vasahnífa og þess háttar.

En nei. Á þessum fyrsta fundi var börnunum safnað saman í sal og lokað. Stálpaður skáti mætti í salinn, með gítar og fór að gaula skátalög. Ég varð skelkaður en flúði ekki, því ég vildi ekki vekja athygli stóru skátana og þurfa að skýra af hverju ég væri að fara. Þannig að ég sat þarna og reyndi örvæntingarfullt að hugsa um eitthvað skemmtilegt til að gleyma þessari eymdarinnar tónlist. Skátakallinn hætti ekki að glamra á gítarinn og þetta virtist engan endi ætla að taka. Loksins þegar þessu lauk, þá settust skátarnir við borð og áttu krakkarnir að skrá sig. Ég skráði mig til að komast út sem fyrst án spurninga.

Ég mætti aldrei aftur.

Félagar mínir mættu í nokkur skipti í viðbót en þeir áttuðu sig á að þetta væri lummó og hættu að mæta.

Ég átti einu sinn bíl með Scout hásingum...

‹Fattar allt í einu hvað þetta var asnalegt innlegg›

Ég mótmæli, ég mótmóli allur! Já ég mótmæli því að Gin og klaufaveiki og Framsóknarmennska sé sama syndrómið. Það vita það allir að Gin og klaufaveiki er atvinnusjúkdómur enskrar yfirstéttar (fá sér gin strax að morgni dags og fara þá þegar að sletta úr klaufunum).

ég er skáti! Jötnar, Víkingum, Landnemum!

‹Blótar herfilega og rífur hár sitt› þegiðu AlliTralli!

Mig langar í International Scout. ‹Finnst þetta ekkert asnalegt›

Appelsínugulan kannski?

Er skátahreyfingin ekki einfaldlega úrelt í dag? Hún var fín á sínum tíma en ég hef grun um að það þyki fremur hallærislegt að yfirgefa tölvuna í dag til að hnýta einhverja hnúta og syngja þá hallærislegustu texta sem samdir hafa verið.

♪ Jeg køre in min lille bil ♪ og aðrir smellir eru alveg óforbetranlegir. Ég var í skátunum í 4. bekk.
‹Fer að finna skátaklútana sem kostuðu þvílíkan pening útaf þessu snobbaða skátarugli›