Baggalútur

— GESTAPÓ —

Í uppáhaldi:

Árshátíðarhljómsveitin2008

Árshátíð 2008-Undirbúningsþráður

Hátíðar-Kosning, Þittatkvæði skiptir máli

Afar áhugavert! Áhugaverður leikur.

SítrónuBauv

Uppnefndu Gestapóann áundan

Svalasta grafskriftin.

Mafía 4 - LEIK LOKIÐ

Félagsrit:

Skabbi skrumari

Friðargæsluliði.
Heiðursgestur og skáldjöfur.

Sálmur - 1/12/04

Martröð

Dreymdi óhuggulegan draum þar seinustu nótt, samdi lítið kvæði um það.

Hvar er ég til húsa nú,
hvergi nokkurs staðar?
Í kofanum við kúabú,
krýp við skemmujaðar?

Sitthvað vantar hvað er hér,
hverj’er ég að gleyma?
Gleymdist kannske gambraker,
gleymdi það að eima?

Ráma allt í einu það,
að allir gambrakútar
eru fullir fram við hlað,
í fýlu verða stútar.

Sjóða fljótt og vel ég verð
vil ég halda teiti.
„Brugga skaltu bestu gerð“
bað mig Siggi feiti.

En landinn verður varla til,
vantar suðupottinn,
liggur brotinn bakvið þil,
bras svo næstum dottinn.

Nota gamla gambraskál,
gafst hún vel til forna.
Teipa gárað gler við stál
glaður mun ei þorna.

Sýð af gleði, gambri fer
í gömlu landakerin.
Þéttist vel og þrútnar ker
þrýstist út um glerin.

Bragða síðan bruggið eitt,
blanda það í kóla.
Óbragð mikið, ógeð seytt
allir mig á stóla.

Vantar síu, verra bragð
varla hef ég smakkað.
Bruggið nýja bölvað flagð
bölva, græjum rakkað.

Ónýt verður veislan, svað
vakna ég í flýti,
svefninn hverfur svitabað
sull’í Ákavíti.

(133 af 201)

1/12/04 20:00

Fíflagangur

Nú þekki ég minn mann!

1/12/04 20:01

Heiðglyrnir

Best, að þetta var draumur þinn...

1/12/04 20:01

Skabbi skrumari

Já, mig dreymdi þetta... vildi þó birta þetta frekar í bundnu máli en sem dagbók eða pistling, hefði getað verið gagnrýni og þá hefði ég gefið þessum draumi 5 stjörnur fyrir spennu, en dregið síðan frá 2 stjörnur fyrir lélegan endi...

1/12/04 20:01

Vestfirðingur

Ég skil þetta vísnadót ekki. Hvernig nennir fólk að standa í þessu? Getið þið bara ekki lesið DV eins og við hin? Fólk eins og Skabbi og hlewagastiR hafa einfaldlega enga aðlögunarhæfni. Drífið ykkur bara heim í helvítis Breiðholtsblokkina!

Ég get aldrei lesið nema hálfa vísu áður en ég gefst upp. Tóm vonbrigði. Soldið eins og kynlíf. Maður man alltaf best eftir vonbrigðum eða þegar maður náði ekki að klára dæmið.

Jæja. Farinn að ná í kaffi.

1/12/04 20:01

Skabbi skrumari

...ahhh, gaman að sjá að Vestfirðingurinn stendur ekki við loforð sín, velkominn til baka...

1/12/04 20:01

Z. Natan Ó. Jónatanz

Þarna kom fram það sem mér þótti helst vanta uppá í seinasta félagsriti...
Skálút!

1/12/04 20:01

Haraldur Austmann

Blautur draumur...

1/12/04 20:01

víólskrímsl

Ég hélt að hr. Vestfirðingurinn vaeri farinn...alltaf skal manni vera komið á óvart.

1/12/04 20:01

Sundlaugur Vatne

Heill þér, skáldbróðir

1/12/04 20:01

Vestfirðingur

Hvur dj... Austmann hérna líka? Hann er eins og herpes, maður losnar aldrei við hann.

Ég er annars seinheppinn í dag að því leiti að ég opnaði bók eftir Hallgrím Helgason. Hélt annars að ég væri kominn í feitt. Það kemur fyrir að ég hlaupi á mig , en þessi gaur slær mann alveg útaf laginu. Ég skil hann bara ekki. Óóyfirstíganlega leiðinlegur. Ég gat ekki klárað þessa bók, Ísland eitthvað, gafst upp eftir hálfa síðu.

1/12/04 20:01

Jóakim Aðalönd

Í guðana bænum drífðu þig að efna loforð þitt um að hætta.

Frábær bálkur hjá þér Skabbi.

1/12/04 21:00

Barbapabbi

Amen Skabbi, amen og og skál! (auðvitað)

1/12/04 21:01

Heiðglyrnir

Óhæfa er þetta, ekki hjá þér Skabbi minn, heldur hjá þessum skrýl sem kann ekki gott að meta og kemur ekki við hérna hjá þér til að hylla þig og segja skál.
Jæja Riddarinn kemur þá bara oftar, SKÁL Skabbi minn.

1/12/04 21:01

Skabbi skrumari

Það er nú í lagi, þetta er viðvarandi martröð hjá mér... Skál

Skabbi skrumari:

Fæðing hér: 11/8/03 13:32
Síðast á ferli: 29/8/22 11:54
Innlegg: 6959

Eðli:

Forstjóri ÁTVB (Áfengis og TóbaksVerslunar Baggalíu). Skabbi er hér skrítinn fír skálar hann í flýti karpar mikið drykkjudýr drekkur Ákavíti Með friðargæslu gerir hann grikk þá ljótukalla hákarla að kæsa kann og kasta upp á hjalla

Fræðasvið:

Er smáfróður um allt, en stórfróður um fátt. Þykist hafa vit á öllu, en veit ósköp lítið um allt...

Æviágrip:

Alinn upp á Baggalút, fékk kaplakóbaltmjólk í stað brjóstamjólkur, auk þess sem hann drakk kúmenaldinsafa í frumbernsku. Þótti frekar lítill og óárennilegur í æsku og á harðindatímum seinustu aldar lá við að Skabbi myndi ekki hafa það af... Fyrir algjöra glópaheppni var hann eitt sinn að laumast í hákarlalýsistunnuna út við verkfæraskúrinn og hafði Vargur Vésteins skilið eftir opna Ákavítisflösku ofan við tunnuna og hafði hún lekið í heilu lagi niðrí tunnuna... Fyrir vikið smakkaði hann Lýsisblandað Ákavíti í fyrsta skipti... Jókst honum kraftur, auk þess sem það fór að renna upp úr honum ýmiskonar klámvísur og níðvísur og hefur hann ekki horft til baka eftir það... Hefur löngum þótt ódæll og erfiður viðureignar en fékk þó sökum klækja og mútubragða Friðargæslustól hér á Gestapó og notar hann öll tækifæri til að misnota þá aðstöðu. Hann Skabbi er einnig þekktur fyrir að misnota kvæði sín á ýmsan hátt... sumir kalla hann kvæðaníðing hinn versta... auk þess sem það er fáheyrt að annað eins skrípi geti ort kvæði sem getur ekki komið frá sér óbrenglaðri setningu... Húmor takmarkaður, en húmorast þó. Æviágripið er í sífelldri endurnýjun...