Ágætu fjelagar.

Svona gerir hundinginn bílfjósið klárt fyrir sumarið og hreinsar vertarskítinn í burt.

Þvotturinn.
Vætið vagninn og sprautið á hann tjöruhreynsi. Vætið hann svo aftur og setjið volgt vatn í fötu og blandið einum bolla af bílasápu í vatnið.
Nuddið bílasápunni á með svampi. Toppinn húdd og skott fyrst og skolið af með vatni.
Takið svo báðar hliðar niður á miðjar hurðir og framhluta og afturhluta og skolið af með vatni.
Nuddið svo í lokin niður á sílsana báðu megin, dekk og felgur einnig og skolið svo allan bílinn með vatni.
Þá ætti druslan að vera orðin hrein og fín að utanverðu.

Gott er að taka svo góðan rúnt í regni og bruna í hreina polla og hjólför á góðri siglingu, til að skola undirvagninn.
Þurkið svo skrjóðinn vel með apaskinni þegar heim er komið.

Inniþrif.
Takið nú allt draslið út, sem safnast hefur upp í öllum hirðslum og gólfum.
Fáið ykkur svo góðan vafning af Pólér tork og úðið Son of a gun á torkið. Nuddið svo vel mælaborð og hurðarhliðar og allt sem þolir vott nudd.
Hafið húdd, skott og hurðar opnar.
Endið inniþrifin á því að fara í öll fölsin. Endið á húddinu og skiljið allt eftir opið.

Bón.
Byrjið á því að bera Íslenskt Hraðbón í öll föls. Skott og húdd líka.
Þurkið svo bónið af með góðum vöndli af Pólér tork.
Berið svo bónið á toppinn og þurkið af strax á eftir.
Svo skal bera bónið á afturbrettin beggja megin, með hurðir opnar. Þurkið svo bónið af og lokið afturhurðum.
Berið svo bónið á skottlokið. Lokið því svo og þurkið af.
Berið svo bónið á fram brettin beggja megin og þurkið af.
Berið svo bónið á húddlok. Lokið því og þurkið bónið af. Berið að endingu bónið á fram hurðir, lokið þeim og þurkið af.

Fínt er að sprauta Back to black á stuðarana að framan og aftan og þurka svo af með Pólér tork.
Sprautið einnig á dekkin og látið standa á þeim án þess að þurka af.

Látið helvítis felgurnar vera, því að þær eru alger martröð að þrífa.

Takk.