Nú hafa menn ort í anda Gunnars Egilssonar og Muggs.. En hvað með orginalinn?
Undanfarið hafa verið miklar umræður og deilur um endurútgáfu bókarinnar um 10 litla negrastráka, sem varla hefur farið fram hjá nokkrum manni. Deilurnar hafa teygt sig í ótrúlegustu króka og kima og hafa ótrúlegustu aðilar farið að rífast um þetta.
Þeir sem eru á móti útgáfu bókarinnar hafa borið því við að um argasta rasisma sé að ræða og skelfilega óhollt fyrir alla þá sem lesa. Enn fremur hafa heyrst raddir í þeirra hópi sem gagnrýna myndskreytingarnar fyrir að vera hrottalegar.
Þeir sem fylgjandi eru útgáfunni hafa á síst neitað því að myndirnar eru all svakalegar en halda því fram að um menningarsögulegt listaverk sé að ræða. Teikningar Guðmundar Thorsteinssonar (Muggs) og texti ortur af Gunnari Egilssyni eftir erlendri fyrirmynd þykir þeim sem fylgjandi eru útgáfu, stórkostleg heimild um bæði viðhorf samfélagsins sem og listsköpun þessa tíma.
Ég er fylgjandi útgáfunni. Að hindra börn nútímans í að lesa þessa bók er ekkert annað en ritskoðun og óeðlileg forræðishyggja. Ef það á að banna börnum að sjá þessa bók þá á að banna fréttatíma sjónvarps, barnatíma þar sem hugsanlega einhver gæti verið laminn í hausinn eða hreinlega móðgaður. Ég veit að það er búið að milda söguna af Rauðhettu svo mikið fyrir íslensk börn að úlfurinn étur ekki ömmuna og er ekki fylltur af grjóti og hann er heldur ekki látinn hrapa ofan í brunninn. Hann fær bara sína gulrót frá Íþróttaálfinum og heldur sína leið.
Ef ritskoðunarofstopinn heldur áfram í þessa átt þá verðum við eins og Svíar, sem bönnuðu Andrés önd af því hann var berrassaður. Maður bíður bara eftir því að Gísla sögu Súrssonar verði breytt þannig að hann haldi ekki lengur á innyflum sínum áður en hann stekkur fram af kletti heldur rekist utan í annan mann, er kysstur á bágtið og allir labba voða happy inn í eilífðina.
Nei, frekar eigum við að halda fast í þær menningarperlur sem við höfum eignast óbreyttar, ekki bara sem menningarfjársjóð heldur sem lifandi vitni um hvernig tímarnir hafa breyst og hvað við erum meðituð í dag en hvað þjóðin var ekki meðvituð þá.
---
En svona til að ver með í sálmasköpun í anda negrastrákanna þá kemur hér mitt framlag:
tíu góðir gestapóar
glöddust inni í hlýju
einn hann reyndist heldur hot
hinir voru eftir níu
Níu glaðir gestapóar
glaðir fóru að hátta
einn þeirra notar nátthúfu
þá nöldruðu eftir átta
Átta gamlir gestapóar
gramir sögðu "DJÖ"
einn þeirra bölvaði barnalega
og bráðum urðu þeir sjö
Sjö þeir gullnu gestapóar
náðu sér í Hex
Ívar hann fór fyrstur
og þá voru eftir sex
sex þar grínast gestapóar
gamna dimmalimm
Einn var í vitlausri vísu
og verða þá eftir fimm
fimm gírugir gestapóar
gerðu skrýtnar bögur
einn þeirra orti yfir sig
og eftir stóðu fjögur
fjórir glettnir gestapóar
góluðu eins og dýr
einn þeirra notaði nótur
og þá voru eftir þrír
þrír gramir gestapóar
gerðu eins og Geir
einn þeirra varð of vitlaus
og vönguðu eftir tveir
tveir grobbnir gestapóar
gistu eins og steinn
einn þeirra svaf svakalega
þá svaf eftir einn
einn geyspar gestapói
gekk hann einn til Hull
síðann hann gekk til Grimsby
og gilti hann sem núll
núll uppgufaðir gestapóar
gátu ekki reiknað sínus
því ekki var hægt að gera það
því þeir voru komnir í mínus...
Það hefði ég haldið
Fordómarnir í þessu lagi sem þú nefnir eru af verstu sort lestu textann almenni lega Negri át töflur einn var fullur og í lokinn á fór einn negrinn í bío og skaffaði tíu nýa negra únga það vita jú allir að negrarnir únga út krökkum um allt . Þettað helvítis Svíahatur sem nærist hér er viðurstyggilegt Börnin mín eru Sænsk Að Svíar hafi bannað Andrés önd út af enhverju er haugalygi og ekkert annað ég man þegar helvítis kellingarnar á Íslandi bönnuð Sænskar fræðslumyndir þessi óþolandi þjóðerniskend sem lýsir gegnum þessa aumingjaþjóð sem sleiktu rassinn á Dönum í áttahundruð ár fer svo í taugarnar á mér að ég fer beint í það á mánudug að afsala mér Ríkisborgararéttinum og Sæki um Sænskann
Ekki nó með að textinn er mjög rasitiskur þá hefur helvítið líka hlotið sess sem einhverskonar jólalag
... en heldurðu að Svíar vilji eitthvað með þig hafa? [glottir eins og fíbbl]
Að þú hafir skrifað saknaðarljóð um Úlfamannin segir alt
illfyglið .Ég geri líka fastlega ráð fyrir að finna náð undir vermdarvæng Svíana . nokkuð sem hefur reynst erfitt fyrir fólk á flótta á því krummaskuði sem þú gistir
Hvað varðar þig þá um formlegheitin "ríkisborgararétt" ef þú gistir ekki krummaskuðið Ísafold (ástkæru fósturmold) eins og ég? Ég gisti nú Svíþjóð í heilan vetur án þess að við því væri amast, en auðvitað var ég ekki á fósturjarðarflótta. [glottir við tönn, já og gott ef ekki tvær].
(Afsakaðu þetta, Ívar minn)
Veistu GEH, það getur vel verði að svíarnir hafi ekki bannað Andrés en það er margt sem þeir hafa bannað af fáránlegri orsökum.
Ens og hvað Ívar ? Af hverju heitir ekki barnagælan bara tíu littlir Júðastrákar ?
Já takk fyrir þetta Íbbi .. sú gamla komst bara í smá stuð
reif upp maga orgelið ( Harmonikkuna ) og tjúllaði
Tíu litlir fingur, afhverju hefur enginn ort um þá? Æ, drukkinn getur maður verið.
Þetta er heimskuleg útgáfa og að kalla þetta rusl menningarverðmæti og að þessi ósómi sé mest selda bókin, selst meira en ritskoðaða útgáfan af fokking biblíunni sýnir bara hve vanþroskuð, rasísk og rætin íslenska þjóðin er.
Selst þessi bók virkilega svona vel? Það þykir mér óskiljanlegt. Já, það eru víst fá takmörk fyrir því hvað illt umtal getur vakið forvitnispúkann í fólki.
Já já er í efsta sæti bókalistans í Mál og menningu... ég trúði því bara ekki.
Ég verð að vera sammála Grágrími. Að kalla þetta menningarverðmæti er mesta rugl sem ég hef heyrt (síðan Smáralindarforsíðan var í algleymi)!
Þó að Muggur hafi teiknað þessar myndir (sem eru bara skopmyndir sem hvaða átta ára krakki sem er hefði getað dregið) og einhver karl hnoðað saman leirburði í stíl, þá er ekkert sem breytir því að vísan er ensk, runnin undan rifjum kynþáttahaturs og þrælahalds.
Ég man ekki eftir því að bókin hafi haft nein áhrif á mig sem barn, en ég hafði t.d. aldrei séð svertingja og þeir gátu því allt eins verið þjóðsaga fyrir mér. En í dag horfir öðruvísi við.
Í nútíma þjóðfélagi þar sem krakkar umgangast aðra kynþætti í skólanum svo til daglega, má ekki vekja upp gamlar og rasískar ímyndir um hegðun annara kynþátta.
Það hefur ekki góð áhrif á nein börn að lenda í því að vera sökuð um eitthvað slæmt af húðlit einum saman.
Frænka mín sem á (svarta) nígeríska móður og (hvítan) íslenskan föður á ekki skilið að vera dæmd heimsk, löt og gírug vegna húðlitar. Hún á nákvæmlega sömu virðingu og framkomu skilda og litlu hvítu börnin.
Mér finnst allt í lagi að þessi saga hafi verið gefin út einu sinni, en að endurútgefa þennan rasíska ruglboðskap finnst mér til skammar fyrir útgefandann og ekki síst fyrir þá sem kaupa bókina.
Ég dæmi þá sem finnst ekkert að þessari útgáfu.
Annað hvort eru viðkomandi með kynþáttafordóma eða þá að raunverulegur boðskapur vísnana hefur alveg farið framhjá þeim.
ég vil benda ællum sem áhuga hafa á að slóðinn ég lagði inn hér að ofan leiðir til mjög gróðrar greinar
um þessa níðvísu skrifuð af föður til eins lítils Negrastráks .ég mæli eindregið með að fólk lesi hana
Hef tekið mjög svo meðvitaða ákvörðun um að hafa ENGAR skoðanir á endurútgáfu þessarar bókar. Sjálfsagt eru þó rök með og á móti og ritskoðun er auðvitað bönnuð (þó hún sé stundum leyfð...sbr. ýmsa dóma um slíkt).
Annars átti ég frumútgáfuna og las hana og held mér hafi ekki orðið meint af, ég setti líka þessar vitleysisfígúrur ekkert í samband við besta vin minn sem raunar var kolbikasvartur. Ætli heimurinn sé samt ekki verri í dag?
Vil svo gjarnan benda GEH á að hressa upp á sögukunnáttu sína áður en hann viðrar enn einu sinni þessa skoðun sína um áttahundruðárarasssleikingar á Dönum. (Gamli sáttmáli var ekki gerður fyrr en 1262 og þess utan voru það yfirleitt Norðmenn sem við sleiktum). Smá framför í stafsetningu, greinamerkjanotkun, málfræði og setningaskipan væri heldur ekki til baga, það er alltaf auðveldara að taka texta alvarlega ef maður getur lesið hann!
Nú hefði ég vilja fá að heyra aðeins í honum Kristjáni tíunda það væri gaman að heyra hans skoðun á þessu máli.
Þú getur bara heyrt í Hákon eða Jóakim, þeir eru væntanlega dauðadrukknir einhvers staðar á þvælingi.
Ég biðst innilega afsökunar á bullinu í mér Krumpa Rétt á að vera þessi aumingjaþjóð sem sleikti rassinn á Dönum í rúmlega sjöhundruð ár.
Mun betra! Og í þessi 700ár voru sænskir uppteknir við að sigra heiminn...? En hvað með þetta tímabil undir Norðmönnum? Það er ekkert flott að vera með skítkast og svívirðingar nema vera soldið nákvæmur í því.
Í Tumma Kukku - söngbók Mímis, má m.a. finna eftirfarandi kvæði ritað á spássíu:
Hún fóstra gamla var að baka brauð
en brenndi sig, og gerði skyssu slíka
að þegar hún var borin burtu dauð
var brauðið ónýtt líka.
Þó mér finnist þessi vísa (og fleiri í svipuðum dúr) óendanlega fyndin þá er ekki þar með sagt að ég telji bakara tilheyra heimskari eða klaufalegri starfstétt en t.d. smiðir, kennarar eða fatahönnuðir. Ég á meira að segja bakara að vinum, og bæði ættingjar og margir mínir bestu vinir dufla við bakstur af og til.
Hins vegar er meir en líklegt að hlátur minn yfir vísunni
Hann Davíð bóndi á Dröngum
er dáinn, það var ljótan!
Svo hjartanlega hafði
ég hlakkað til að skjót'ann.
(úr sömu bók) sé runnin undan rifjum gífurlegs óþols míns gagnvart öllu því fólki sem ber nafnið "Davíð" að eiginnafni. Nafnberar eru þó öllu þolanlegri ef nafnið er annað eða þriðja eiginnafn, en það er engu að síður álit mitt og margra annara að þetta fólk sé upp til hópa hávært, gírugt og sí-ropandi. Konurnar þó sýnu verri.
Ég er ekki viss um að bókin veki upp neinn rasisma hjá börnum í dag frekar en þegar við lásum hana sem börn. Rasisminn kemur ekki frá börnunum, heldur hinum fullorðnu. Líklega eru mörg börn einhvers staðar að klóra sér í höfðinu yfir látunum í fullorðna fólkinu og spyrja sig hvort það sé kannski eitthvað að svörtu fólki fyrst lætin séu svona mikil.
Ég líkt og krumpa hef meðvitað tekið ákvörðun að vera sama um umrædda bók sem slíka. Hins vegar höfðar stíll Muggs ekki til mín og vísurnar eru ekkert sérstakar svo það er afar ólíklegt að þessi bók verði framarlega á gjafalista mínum til barnabarnanna.
krossgata sagði það allt. Þessi bók skiptir engu til eða frá með rasisma hjá börnunum, enda ljóst að ef barn er rasisti þá hefur það hann frá forráðamönnum sínum.
Svo finnst mér gregory hafa minnt okkur rækilega á muninn á því að gera grín annarsvegar og heimfæra það upp á alvöru fólk hinsvegar. Ég man til dæmis ekki eftir viðlíka veseni þegar Hafnarfjarðarbrandararnir ruddu sér til rúms fyrir örfáum áratugum síðan. (Hins vegar heyrði ég eitt sinn þá sögu að upphaflega hafi grínið átt að vera á kostnað Akureyringa, sem sármóðguðust. Þeim hinum sömu hefði ekki veitt af smá áminningu í anda gregory hér að ofan.)
Ég er nú svo vitlaus að hafa barasta ekkert pælt í því að þessi fallegi jólasálmur bæri keim af fordómum í garð svartra (mér finnst orðið þeldökkur ávallt fremur samsvara orðinu swarthy á ensku) fyrr en einhverjar kellingar útí bæ fóru að hneykslast á honum. Mér finnst allt í lagi að sýna krakkagemlingunum þessa bók. Hey, leyfum þeim að lesa Mæn Kampfff líka. Ef þau taka mark á vitleysunni eru foreldrarnir greinilega að gera eitthvað vitlaust.