Ég man eftir því þegar Páll Óskar var valinn til að keppa fyrir hönd íslensku þjóðarinnar í Eurovision. Hann kom með svaka grúví diskósmell og fékk ungar og fallegar konur sem kunnu að dansa með sér í lið í videoinu og á sjálfu aðalkvöldinu. Oh! þetta var sko "sexy", eitthvað fyrir ungu kynslóðina.

Ótrúlega gamaldags og tjah? Hvað skal segja? "Virðulegar" dómnefndir í Evrópu gáfu lagi Páls fá stig. EN! Nýlunda var í þessari keppni. Nefnilega 3 eða 4 þjóðir fengu að kjósa um stigaflokkun með símakosningu. Og hvað haldið þið, þessar þjóðir gáfu þessum fríkaða sæta frá Íslandi með sætum stelpum allt í kringum sig miklu fleiri stig.

Nefnilega heimilisfaðirinn og húsfreyja á heimilinu voru svo heilluð að Páli að þau þutu í síman til að kjósa. (Gemsar voru þá ekki orðnir almannaeign). Bull! Unglingarnir á heimilinu, þessir sem eru svo mótækilegir fyrir "kúl stöffi" voru miklu liprari og fljótari í síman og það er nú allt í lagi að leyfa þeim að hringja ef símtalið tekur ekki nema 5 sekúndur.

Jæja, Páll Óskar kom sem sigurvegari til landsins. Þetta var málið að láta ungdóminn velja en ekki einhver sérvitur gamalmenni sem þóttust vita allt um tónlist. Smátt og smátt var þvi komið á að allar þjóðir kjósa með símakosningu og svona hefur þetta gengið í nokkur ár. Og allir hafa jú einfaldan smekk, þeir velja aðeins það besta, vilja vinna keppnina og að sjálfsögðu stúdera það...hvernig?

Hmm... berir kroppar, rífandi diskótaktur og að jú sjokkare fólk hæfilega mikið. Ruslana, Tatu o.fl. Þarna kom svo bjargvættur Íslands, Silvía Nótt. Að vísu fékk hún, að margir héldu, öflugan andstæðing í forkeppninni, hana Regínu sem eldra fólkið var gersamlega heillað af. En fóru þau að hamast á gemsunum? Ó nei, það bara sat í sínum sófum og engum unglingi eða barni datt svo sem ekki einu sinni í huga að rétta þeim þeirra gemsa!

Nú hefur Páll Oskar gefið út yfirlýsingu þar sem hann efast um að Evróðubúar eigi eftir að fatta og kjósa Silvíu Nótt. Hann er nefnilega svo sannfærður um að eldra fólk þar séu miklu meðvitaðri um að nú sé að stíga upp úr sófanum og kjósa eitthvað fallegt og heillandi lag í símanum en ekki þessa klikkuðu Silvíu Nótt frá pínulitla landinu í norðri sem hefur þrefaldað geggjun Páls Óskars.

En við erum auðvitað að prófa okkur áfram. Ef Silvía kemst ekki áfram núna þá prófum við bara eitthvað annað næst.