Nú vantar bara lagið við fjandans textann.
Ég sá þig fyrst um sumardag
sólbjart var og hlýtt
sunnanblærinn lítið lag
lék svo undur þýtt.
Ég óskaði þess þú yrðir mín
æstur spurði um það
þú ansaðir sem upp á grín
EF þú ferð í bað.
Viðlag: II: Ég fer í bað fyrir þig :II
Aðeins fyrir þig
kem ég mér á það stig
en ég fer í bað fyrir þig!
Fyrir þessa frægðarstund
að fyrst þig augum leit
ilmaði ég á við úldinn hund
og arfagamla geit.
Loðinn skreið í lörfunum
lýsnar skriðu á mér
ég skýt mér hjá að skeggræða um
þau skot sem enginn sér.
Viðlag
En nú er löngu liðin tíð
að lögð voru að því drög
að ösli ég í erg og gríð
allskyns sápulög.
Ástin til þín endalaust
sem eldur fer um mig
og vetur sumar vor og haust
ég veð allt fyrir þig!
Viðlag
Ekki oft sem ég skelli upp úr þegar ég er einn en það var ekki hægt annað... sumarsmellurinn i ár
Þetta er enginn fjandans texti, þetta er snilldarkvæði. Og það vantar lag, því er ég sammála.
Afbragðs fjelagsrit finnst oss þetta og hvarflar að oss að hjer kunni að vera um að ræða verðugt verkefni fyrir hljómsveitina Kóbalt. Skál !
Árinn sjálfur. Ég las þetta yfir og það samdist lag í kollinum á mér á svipstundu.
Ég hugsa að ég setji það í nótur fyrir sjálfa mig en ætli þið fáið nokkuð að heyra það.
Fæ ég ekki einu sinni að heyra lagið þitt Tigra? [Setur upp sjúklega krúttleg hvolpaaugu]
Hressandi og skemmtilegt kæra Víóluskrýmsl, já og velkomin heim....Skál í freyðibaði.