- Gamlingjavandamálið
- Sálarbróðir nr. 1
- Hó hó f#$%/&$ hó
- Casino Royale
- Evrusjoppa
- Öskrandi api, ballett íleynum
- Vor maður Ljónharður
- Góða nótt og gæfan fylgiþér
- Cézanne 4 - Pissarro 9
- Hilmir snýr heim
- Íslandsvinir
- Austræn slagsmál í boðiQT
- King Kong
- Hégómagæska
- Doom!
- Shelby hnútur
- Battlestar Galactica
- Motown
- Hvað er á seyði?
- Grájarlsblús
- Layla
- The Big Red One
- Látúnsbarkinn Bolton
- Stjörnustríð - Litiðyfir farinn veg
- Akira
- Napóleón Dínamít
- Ný von!
- Elvis og ég
- Kaldaljós
- Bjarmalandsför
- Eddie Izzard
- Idi i smotri
- Jólaofsóknir
- Þú skalt ekki stela
- Allir voru að kúng fúslást
- Real Gone
- Kvenmannsnöfn
- Næturlíf
- Fuglahræða og Vinnumaður
- Elvis í Memphis
- Nærbuxnaskólp ogvindlingar
- Artúr Konungur
- Íste
- Draugar fortíðar
- Notalegt
- Ómen
- Sammála
- Bláskógar
- Flugleiðir
- Loksins
- Bógómíl(ar)
- Fókusvandamál íRegnboganum
- Tvær staðreyndir
- Rio Bravo
- Vel heppnuð flugeldaárás
- Jólin
- Jólagjafir
- Skegg Charles Bronson
- Skelfileg sjón
- Óbærileg athyglissýkitilverunnar
Heiðursgestur og skriffinnur.
Getuleysisútrás gegn Þorlákslýð og ömurlegum verslunum
Ég vil fullan bensínbrúsa og beitta sveðju í jólagjöf.
Hvaða drýslasjúgandi horsmjattandi brundheilar reka þessa fjandans skítlegu skítabúllu sem Satan hefur skýrt Skífan? Hvernig getur tónlistarbúð með svo mikið sem minnsta vott af sjálfsvirðingu dirfst að andskotast ekki til þess að eiga fokkans Led fokkans Zeppelin!? Led Zeppelin! Þeir eiga ekki Led Zeppelin! Led Zeppelin! Ein stærsta rokkhljómsveit mannkynssögunnar og þeir eiga ekki nema einn eða tvo minniháttar diska! Þeir eiga ekki einu sinni móðurserðandi bestulagadiskinn! Þessir bálspúandi drulluhalar eru að stefna tónlistaruppeldi 12 ára frænda míns í voða með því að eiga ekki grundvallaratriði rokksins! Þetta er álíka lásí og að Bónus hætti að selja mjólkurvörur! Það er ekki eins og það þurfi gríðarlegan metnað og viðskiptalegar fórnir til þess að bjóða upp á álitlegt safn af rokkhljómsveit sem enn selst í bílförmum þrátt fyrir að hafa verið hætt í á þriðja áratug.
Nú hefur þessi skelfilega afsökun fyrir tónlistarbúð glatað öllum tilgangi fyrir tilveru sinni. Þess vegna vil ég bensínbrúsa svo ég geti kveikt í Skífunni svo mannkynið geti gleymt þessari hlandbrenndu vörtu á verslunarsögu Íslands.
Þorlákspakk! Ég þurfti að labba niður Laugaveginn og kaupa síðustu jólagjafirnar. Nei nei, þegar ég kem upp á Laugaveginnn er ekki þverfótað fyrir aldeilis ömurlegu skítapakki í fínum fötum. Ég hef aldrei séð svona mikinn fjölda á þessari leiðinlegu götu. Það væri gott og blessað ef þetta fólk væri óskynsamt, skipulagslaust bjánalið eins og ég sem hafa ekki haft fyrir því að kaupa gjafir fyrr en á síðustu stundu. Ó nei. Ég þori að veðja að vel yfir helmingurinn á þessu pakki var ekki að gera rassgat annað en að sýna sín ófrýnilegu fés og vera fyrir þeim sem í örvæntingu eru að kaupa á síðustu stundu. Endalaust flæmi af bjánum. Bjánum sem hafa fyrir löngu drepið í sálu sinni hina fögru íslensku hefð að gera allt á síðustu stundu fyrir jól, hafa skipulagt sig frá hinum sanna jólaanda (sem er stress, taugaáfall, örvænting og eftirvænting sem fylgir 1,5 megavatta spennufalli eftir klukkan 18:00 á aðfangadagskvöldi) og situr síðan eftir heima hjá sér, með hendur í skauti, tilbúin, allt hreint og klappað og klárt. Þessu heimska og leiðinlega pakki dettur síðan ekkert annað í hug en að skakklappast eins og uppvakningar aftur á staðinn sem kveikti í þeim jólaandann á tímum skipulagðrar íslenskrar óreiðu. Þetta flykkist þarna og gerir ekkert nema að tefja fyrir ættmennum sem það hittir (sem er í raunverulegum erindagjörðum - að kaupa gjafir) og vera fyrir okkur hinum skipuleysingjunum.
Þess vegna vil ég sveðju í jólagjöf. Þá get ég næst hlaupið glaður niður Laugaveginn og saxað niður illgresi leiðindapakksins sem er fyrir mér. Fólki sem dettur ekki annað í hug en að troðast um á Laugarveginum í erindisleysu á Þorláki hlýtur hvort sem er að vera andlega dautt úr hugmyndaleysi þannig að það er enginn missir af því.
Húmbúkk!
Já og gleðileg jól elsku piparkökurnar mínar.
(3 af 60)
Led Zeppelin?
Áttu þeir í alvörunni ekki Led Zeppelin?
Og ég samt átti fyrir bágt með að taka þessa verslun alvarlega...
Ekki til í einni einustu verslun Skífunnar (sem þýðir að það er hvergi til á Höfuðborgarsvæðinu). Ótrúlegir asnar. Ekkert nema þriðja flokks diskar og live upptökur. Ekkert Led I-IV, ekkert best off. Ekkert. Asnar.
Ég legg að sama skapi til að Bókabúð Máls og Menningar taki orðið Bók úr titli sínum. Þetta hefur ekki verið bókabúð síðan þeir tróðu skáldsögunum upp á aðra hæðina. Nær væri að kalla þetta kaffihús. Það sama á við um Eymdarson, það er meira úrval í hringvegasjoppu en þessum ömurlegu búðum. En auðvitað er M&M og Eymdarson sama fyrirtækið þannig að ekki er von á miklu úr þeirri áttinni.
Já. þetta er hvimleiður andskoti. Plebbalýður sem ryðst í miðbæinn í sparifötunum og teppir göturnar í einhverskonar hóprúnki og krúnki malandi um það á heimleiðinni hverja það sá með hverjum og hverja það talaði við sem voru ýmist að austan eða norðan.
Glæsileg jól !
Þetta er hneyksli hið mesta. Led Zeppelin eru snillingar. Ég allaveganna keypti Best off diskinn minn í HAGKAUP. Og svo á maður að sjálfsögðu að hafa vit á því að gera innkaupin í tíma.....
Í tíma? Þá hefði ég keypt þetta á Amazon. Led Zeppelin er eins og mjólk. Hún á alltaf að vera til.
Hagkaup segir þú. Ég verð að fara þangað á morgun. Hvar er mesta úrval Hagkaupsgeisladiska?
Já! Láttu þá hafa það! Og gleðileg jól sjálfur, hvort sem þú færð sveðju eða ekki!
Fróðlegt væri að kanna hvar Led Zeppelin fæst úr því að það fæst eigi í svona stórri verslun. Þetta er fáránlegt.
Eftir lestur þessa skemmtilega skrifaða fjelagsrits virðist oss hinsvegar sem vjer höfum verið heppnir að rekast eigi á Hakuchi er vjer vorum á Laugaveginum í leynilegum erindagjörðum í morgun.
Gleðileg jól ! (með fyrirvara um að slíkt sje mögulegt)
Hjúkk, ég var ekki á Laugaveginum, og því ekki fyrir neinum.
Gleðileg jól.
Ég kannast við þetta, alveg ótrúlegt! Ef maður ætlar að kaupa sér eitthvað gamalt og gott þarf maður að gera sér ferð niður í Kolaportið sem er opið hvað, um helgar til fimm! Ömurlegt.
Led Zeppelin, Doors, Animals, The Who, Dire Straits og Eagles. Fjandinn hafi það, það er jafnvel orðið erfitt að finna almennilegt Rolling Stones og Bítlasafn!
Og síðan er nýja tónlistin þeirra frekar slöpp líka, maður neyðist til að kíkja í Smekkleysu í þeim tilfellum. Það tók mig til að mynda nokkrar vikur að suða í þeim um einhverja mestu tískuhljómsveit okkar samtíma, Strokes!
Okkar ástsæli Konungur...Gleðilega h-tíð þér og öllum þínum til handa....[Tekur stutta en snarpa sverða-kötu konungi og krúnu til heiðurs]...Riddarakveðja.
Skífan er vond, Skífan er ill.
Allir að versla við Tólf tóna á Skólavörðustíg. Þeir eru eins og Fjarðarkaup tónlistarbúðanna, standa einir eftir af "Kaupmanninum á horninu".
Skífan er rusl.
Tónarnir tólf áttu einmitt ekki Led Zeppelin en það er aftur á móti skiljanlegt þar sem þeir halda sig viljandi á jaðri rokksins. Led er fyrir löngu orðinn standard.
Þú getur treyst á bensínið sem ég póstsendi þér. Þrír stórir brúsar undan maurasýru. Tapparnir er að vísu ekki alveg þéttir, en ef pósturinn fer sæmilega vel með varninginn ætti að verða nægilegt eftir til að brenna allar verslanir skífunnar, og jafnvel Hagkaup í leiðini.
- Fæðing hér: 10/8/03 01:38
- Síðast á ferli: 19/4/08 03:07
- Innlegg: 4264
