„Og sjá; himnarnir munu opnast og himneskir herskarar flögra stjórnlaust til jarðarinnar. Mun þá jörðin klofna og upp koma úr undirdjúpunum hinar fimm plágur; mánudagur, þriðjudagur, miðvikudagur, fimmtudagur og föstudagur. Verða þá eldglæringar miklar á himnum og Dýrið sjálft birtast og verða tölur þess þá kunnar, því Dýrið er það og mun ætíð verða og eru tölur þess sex og sjö, en þær munu renna saman í eitt og helgi nefnast. Hin myrku illu öfl læðast þá um jarðir allar, en læðast munu þau ekki því þeirra verk mun óskapnaður verða og munu þá andlegar teprur og kveifar allar á Baggalútnum stjaksettar verða. Og sjá; angist þeirra mun ærandi og munu þær óska sér afhausunar, en himnarnir munu yfir lokast og Dýrið taka sér allt vald yfir himni og jörðu.“

Þannig hljóðar hið heilaga orð.
Amen