Þegar ég tók í hönd hennar,
sagði hún mér að koma með sér og leiddi mig út í nóttina.
Ég var forvitinn.
Þegar ég tók utan um hana,
hjúfraði hún sig upp við mig og lokaði augunum.
Ég var heillaður.
Þegar ég lyktaði af hárinu hennar,
sló hjartað hennar örar og varirnar titruðu.
Ég var bjartsýnn.
Þegar ég strauk henni um vangann,
roðnaði hún í kinnum og kiknaði í hjánum.
Ég var spenntur.
Þegar ég kyssti á henni varirnar,
dróg hún djúpt niður andann og greip utan um hálsinn á mér.
Ég var hamingjusamur.
Þegar ég horfði djúpt í augun á henni,
sá ég þar mynd mína speglast í augasteinunum og það var nóg.
Ég var ástfanginn.
Þegar ég hringdi í hana daginn eftir
var annar tónn í rödd hennar en venjulega.
Ég varð áhyggjufullur.
Þegar ég sendi henni sms daginn þar á eftir
kom ekkert svar.
Ég varð vonsvikinn.
Þegar ég hringdi í hana tveimur dögum seinna og bauð henni út að borða
sagði hún: "Við þurfum að tala saman".
Ég varð sorgmæddur.