man ekki eftir þessari vísu.
Hvernig er stelpan á litinn?

Þessir punktar, eiga þeir að tákna stafi eða orð? Ef þeir tákna stafi, þá er fjórða lína ansi skondin. Gæti til dæmis verðið upptalning á bókstöfum og og.

ég man eftir vísu sem er kannski eitthvað í áttina

geðveikt mikið mig í langar makkavél
og hárlokk svartan hrokkinn vel
af honum þarna Jóa Fel

Ég er Megas.

Tengist þetta eitthvað Hvæsa?

Mig rámar í þetta... gæti verið á einhverjum eftirlætisstað Hvæsa. Kaffi Blút eða Innflytjendahliðinu.

Þetta er eftir snillinginn znata. Ótrúlegt meistaraverk.

Það mætti fara að taka til í leitinni hérna. Mér skilst að hægt væri að keyra "könguló" á vefinn og finna svo hvaða texta sem er hér. Ég nenni því þó ekki - enda einfaldara að órangútarnir leysi þetta sjálfir.

Gæti þetta verið af Skabbalút eða Kaffiblút?

Þetta er héðan. Margt hefur ekki fundist við leit eftir einhverjar hamfarir sem urðu hér fyrir nokkrum árum.

Það ætti þá að vera hægt að fletta í gegnum innleggjaskrá Znata (sem er á 279 síðum ef ég sé rétt), og láta yfirborðstextaleit hlaupa yfir á hverri síðu á meðan. Textaleitin gæti verið á einhverju auðkennandi orði, einsog pestó, Jóa, gump o.s.frv. Og þá er bara að vona að vísan sé ekki falin í bláenda einhvers gríðarlangs innleggs. Þessi gegnumfletting ætti ekki að taka nema um 40-45 mínútur á góðum degi.

Ég nú búinn að eyða gott betur en 40-45 mínútum í þetta. En heiður og þökk hafi sem sá sem getur gert betur.

Það er reyndar líka hægt að finna út hvað leitarvélin nær langt aftur (mér sýnist hún a.m.k. leita í gegnum innlegg frá árinu 2007, þó ekki endilega öllu.) Þá er hægt að afmarka hinn hlutann með því að komast að því hvenær pestó fór að birtast milli tanna á fólki hér, eða hvenær þessi Jói Fel varð þekktur. T.a.m. veit ég ekkert hver það er (dagsatt), en ég hætti alfarið að fylgjast með fréttum árið 2005.
Það er líka spurning hvort innleggjaskráin er fullkomin, og þá hvort það sé öruggara að fletta í gegnum alla helstu kvæðaþræði á ákveðnu tímabili. Sem gæti nú útaffyrir sig orðið bæði holl og skemmtileg lesning.

Já, þess munu dæmi að nálir finnist í heystökkum. Sjálfur finn ég yfirleitt aldrei neitt sem ég leita að, og a.m.k. þá ekki fyrr en á síðasta staðnum þar sem ég leita.

Leitarvélin nær aftur að hausti 2006, þegar öll sagan tapaðist.
Ég renndi í gegn um Znata í gær, og fann þetta ekki.

Þessi Jói Fel varð þekktur þegar hann var línumaður hjá KR á síðustu öld. Síðan tók hann við fjölskyldurekstrinum á Múlakaffi og hefur útvíkkað það nokkuð.

Ef þetta er á næturgeltinum þarf líklega að leita þegar hann er opinn.

En nei, ég fann ekkert ..

Ég leit inn til þín til að fá gleggri upplýsingar en sá þig hvergi, sá aftur á móti kettlingana, páfagaukinn og stuðlastelpuna... eftir að hafa lagt mat á málin virtist þetta vænlegt gisk:

Pest, ógeð það ei ég tel,
át á köttum smáum.
Páfagauk sem gúrme vel
gljáðan, lauk með hráum.
Einnig Stuðlastelpu fel,
stríkka vömb nú sjáum.
Frekar mun ég hampa Hel
en hlaupa og kaupa drasl úr vél
sem minnir helst á maðkað mél
myglað sagga þráum.
Fremur lep ég ljúft úr skel
ljótan dauða og kvöl við dvel
en láta í mig litríkt “gel”
úr loðnum gump á Jóa Fel.

Þessi er nú helvíti góð hjá þér, BP.

Jahérnahér... Rannsóknarnefnd Alþingis hvað ?

Eftir þónokkur heilabrot & grúsk hefur mér tekist að staðsetja umspurða vísu.

Hún mun hafa verið rituð á stikluvika-þráð Skabbalúts föstudaginn 22. júli AD 2005, & virðist hafa verið n.k. tilraun með "viðbættan" stikluvikahátt. Smeykur er ég um að vísuskömmin sé töluvert betri í minningafylgsnum fyrirspyrjanda en hún er í reynd... læt mig þó hafa það að birta hér slóð á síðuna sem um ræðir:

http://www.armbell.com/kvedista/viewtopic.php?t=50&start=48&mfor um=kvedista&mforum=kvedista&subfolder=1&sid=d35e1db1a6c036b08f4e446a 3583d47f&mforum=kvedista

Dásamlegt! Dásamlegt. Hafðu þökk. Og það þó að ég sé búinn að vera að yrkja fyrir vakúmið þarna á Skabbalút undanfarið. Þar hafði enginn loggað inn í tvö ár en nú mætti best segja mér að pleisið fyllist á ný. Sem er gott.

Má ekki endurbirta þetta hér?

"Pestó selst nú svaka vel
- samt mér við því býður.
Smakkast einsog glussa-gel,
grútur, eða <upp ég sel>
lýsisblandað loðnumél
úr loðnum gumpi Jóa Fel."

- Z. Natan

Þetta er yndisleg vísa.