Meðal villimanna og hálfsiðaðra þjóða þekkjast ekki önnur gamanyrði en klám. En meðal siðaðra manna þykir klám vera það svívirðiiegasta orðbragð, sem hægt sé að viðhafa, enda láta þar ekki aðrir sér það um munn fara en afhrök og úrþvætti.

Það er gott dæmi upp á menningarástand Íslendinga, að hér er fjöldi manns sem ennþá er á þessu sviði á sama stigi og villimaðurinn: öll gamanyrði þeirra eru klám. Sumir eru svo forfallnir í þessa skemtun að þeir geta varla opnað kjaftinn án þess að klæmast dálítið og það eins þó ókunnugir séu viðstaddir, eða börn eða kvenfólk.

Það er segin saga að svo að segja hver kamar hér er krotaður eða krítaður út í klámi, og stundum eru húsaveggir og skíðgarðar krítað út með því svívirðilegasta klámi. Út yfir tekur þó að það skuli alls eigi vera óalgengt að heyra börn á götunni, og það smábörn, klæmast hástöfum, líklegast oft án þess að vita hvað þau eru að fara með. Börnin læra því aðeins málið, að það sé fyrir þeim haft. Þar með er þó ekki sagt að börnin læri þetta orðbragð alltaf af þeim fullorðnu, Iangt frá því. Líklegast læra þau það oftast hvert af öðru. En samt mundi þetta orðbragð leggjast niður ef þeir fullorðnu spöruðu það við sig.

Sá sem þetta ritar þekkir dreng sem nýlega er farinn að brúka afskaplega Ijót orð, og það er enginn vafi á því hvar hann hefir lært þau: í barnaskólanum. Í þessu felst engin ásökun til kennaranna; það hefir áreiðanlega enginn þeirra haft þetta fyrir börnunum. En þetta er bending til kennaranna. Þeir geta áreiðanlega haft áhrif á börnin í þessa máli í rétta átt.

En það þýðir ekkert að tala hart til þeirra, eða vera fullur vandlætingar. Það þarf að tala vel til þeirra og sýna þeim fram á að klám sé ekki siðuðum mönnum samboðið og sérstaklega verður að brýna fyrir þeim að þótt bölv og ragn sé ekki fallegt þá sé þó klám tíu sinnum verra og ljótara.

En eins og fyrr var sagt, ef þeir fullorðnu létu aldrei unglinga heyra klám, þá mundi þessi ógeðslegi munnsöfnuður brátt leggjast niður.

ALÞÝÐUBLAÐIÐ er ódýrasta, fjolbreyttasta og bezta dagblað landsins. Kaupið það og lesið, þá getið þið aldrei án þess verið.

Matvöruverzl. „Von“ hefir fengið nýjar vörur. Jökulfisk, steinbítsrikling, þurran saltaðan þorsk, smjör íslenzkt, osta, kæfu, hangikjöt, saltað dilkakjöt, viðurkennt gott, heilmais mjög ódýran, allar nauðsynlegar kornvörur, kartöflur, kaffi, export, strausykur, grænsápa, sódi, sólskinssápa, margar tegundir af handsápum, niðursuða, margar tegundir, kjöt og fiskur, dósamjólk, rúsínur, sveskjur, appricots, epli, bláber, kartöflumjöl, steinolíu, sólarljós, 74 au. pr. Iítri. Gjörið svo vel og kynnist viðskiptunum í „Von".