Baggalútur

— GESTAPÓ —

Í uppáhaldi:

Félagsrit:

hlewagastiR

Heiðursgestur og skriffinnur.

Dagbók - 1/12/08

Helvítis hálfkák og handarbaksvinna, drullist til að gera eitthvað

Það er beinlínis hlægilegt ef mótmælendur ætla að standa kyrrir allan veturinn og mjálma undan gasi án þess að neinn taki mark á þeim.
Það sem þarf að gera er eftirfarandi:
1) Mótmælendur þurfa að vopnast og búast gasgrímum.
2) Virkja fjöldann og efna til óeirða á 2-3 stöðum samtímis, t.d. við Alþingi, Stjórnarráðið og Melabúðina. Láta lögreglu þannig nota allt lið sitt á þessum stöðum.
3) Fara í Fjármálaeftirlit og Seðlabanka, handtaka þar stjórnendur og taka yfir stofanirnar.
4) Taka Ríkisútvarpið og 365 (eða hvað það heitir núna). Nota svo ljósvakann til að stjórna aðgerðum.
5) Taka lögreglustöðina. Handtaka yfirmenn. Láta þá skipa sérsveitarmönnum að leggja niður störf. Bjóða öðrum lögregluþjónum að sverja byltingunni hollustueiða. Handtaka þá annars.
6) Taka Litla-Hraun. Hleypa út smákrimmum til að rýma fyrir stórkrimmum.
7) Tilkynna að neyðarstjórn hafi tekið völdin. Hún mun sitja í sex mánuði til að sinna nauðsynjaverkum, síðan verði boðað til kosninga.
8) Handtaka fyrri ríkisstjórn.
9) Handtaka fjárglæframenn og kyrrsetja eigur þeirra. Þjóðnýta Straum og Baug. Og West Ham. Og Melabúðina.
10) Tilkynna Bretum, Þjóðverjum, Hollendingum og öðrum labbakútum að ekki verði skrifað upp á nauðarsamninga.
11) Handtaka biskupinn (bara af því að hann er svo leiðinlegur)
12) Leyfa eftir allt saman brennivínssölu í hverri búðarholu og detta ærlega í það.

Svo er framhaldið þekkt, byltingarleiðtogarnir gerast fasistar, láta aldrei af völdum og banna öll mótmæli. Þeir munu reynast hálfu verri stjórnendur en hinir.

En þetta verður samt skít-drulluflott bylting og lengi í minnum höfð.

(58 af 82)

1/12/08 22:00

Grýta

13) Bylting, alvöru bylting.

1/12/08 22:00

The Shrike

Koma þeir og gasa mig ef ég mótmæli í Hobart?

1/12/08 22:00

hlewagastiR

Í Hobart? Er það ekki þangað sem byltingarmenn Íslands eru sendir þegar byltingin hefur misheppnast? Það er sem mig minni það.

1/12/08 22:00

The Shrike

Jújú, ég var einmitt sendur af stað rétt áður en alþingi kom saman. <Starir þegjandi út í loftið>

1/12/08 22:00

Regína

Skrýtið að konungurinn skuli hvetja til byltingar. Ég hélt að konungar vildu alltaf sitja sem fastast!
[Hugsar til Hakuchi og rifjar upp valdarán Hlebba.]
Ojammojá, þú ert byltingarkóngur.

1/12/08 22:00

Golíat

Eigum við ekki að æfa okkur hér í Baggalút? Vígbúast gegn friðargæsluliðum. Sleppa Úlfamanninum og Tony Clifton lausum. Handtaka forsetann og konunginn og þeirra hyski!

1/12/08 22:00

Útvarpsstjóri

Ertu að kalla Úlfamanninn smákrimma?

1/12/08 22:00

Golíat

Jamm

1/12/08 22:00

Wayne Gretzky

Ertu að reyna að espa mig upp, svínið þitt?

1/12/08 22:00

hlewagastiR

[Áttar sig á því, þegar drottining bendir á það, að hann er sjálfur konungur] Fokk.

1/12/08 22:00

Golíat

Hvað er að angra skrópagemlinginn WG?
Geturðu væni gert þig skiljanlegri? Gegn hverjum eru þessar upphrópanir?

1/12/08 22:01

Villimey Kalebsdóttir

Hvernig væri að selja bara WestHam? Eða vorum við búin að því ? eða reyna það ? [Klórar sér í höfðinu]

[Týnist í öllu ruglinu]

Ég hata West Ham.

1/12/08 22:01

krossgata

Er West Ham eitthvað okkar að selja? Þarf ekki hrifsa það úr blóðugum klóm einhvers Bjöggans fyrst?

1/12/08 22:01

Villimey Kalebsdóttir

Mögulega jú.

1/12/08 22:01

Skabbi skrumari

[Íhugar friðsamleg mótmæli fyrir framan Melabúðina]..

1/12/08 22:01

Golíat

Ekkert rugl Villimey!
West Ham er sögufrægur klúbbur sem átt hefur marga alvöru knattspyrnumenn. Má þar nefna Bobby Moore og Billy Bonds.

1/12/08 22:01

Sæmi Fróði

Ertu brjálaður, samskegglingur góður! [Hlær djúpum hrossahlátri]

1/12/08 22:01

Álfelgur

Ég mæti við Melabúð!

1/12/08 22:01

Hugfreður

Lifi byltingin! Niður með ólígarkana og pólitísk gæludýr þeirra![Hellir í kaffibollann og sest í ruggustólinn]

1/12/08 22:01

Texi Everto

<Étur börnin sín>

1/12/08 22:01

Villimey Kalebsdóttir

Golíat! Mér finnst fótbolti leiðinlegur. Þannig ég set útá West Ham að vild! og Hana nú.

1/12/08 22:01

hlewagastiR

West Ham er forfrægt og virðulegt lið með glæsta sögu. Þetta var lið alþýðupiltanna á East End. Nokkurs konar Þróttur Lundúna.

Svo kom til þessi íslenski ræningi og stal félaginu. Og til að bíta höfuðið af skömminni setti hann gaurinn sem eyðilagði KSÍ yfir klabbið. Breytti húsi alþýðupiltanna í ræningjabæli.