— GESTAPÓ —
Andskotinn
Óbreyttur gestur með  ritstíflu.
Dagbók - 2/12/03
Svikula og þjófótta hyski

Hvað er maður sem vinnur svarta vinnu annað en skattsvikari og undirförull þjófur.

Sat til borðs um daginn með gömlum kunningja sem er mjög duglegur iðnaðarmaður. Fyrir utan daglegu vinnuna sína þá vinnur hann flest kvöld og helgar svokallaða "svarta vinnu".

Hann fáraðist mikið yfir svívirðilegum starfslokasamningum við ýmsa aðila. Áður hafði hann tekið fyrir Árna "Svikahrapp" Johnsen, einstæðar mæður í sambúð og "þykjustu" öryrkja og ýmsar aðrar afætur á þjóðfélaginu að hans mati.

Meðan ég hlustaði á hann þusa varð mér hugsað til þessa frasa "svört vinna". Af hverju kalla menn þessa tegund skattsvika svarta vinnu. Af hverju köllum við ekki fólk sem ekki gefur tekjur sínar upp til skatts einfaldlega skattsvikara.

Hver er munurinn á manni sem stingur undan tekjum til að sleppa við skattinn og gjaldkera hjá símafyrirtæki þjóðarinnar sem stingur undan peningum. Nákvæmlega enginn.... Þessir aðilar eru að stela peningum sem ættu m.a. að fara í vegakerfið, elliheimilin, sjúkrahúsin og skólana.

Svört vinna er einfaldlega þjófnaður, menn eru að ræna m.a. öryrkja, gamalmenni, sjúklinga og skólafólk. Þeir aðilar sem stunda slíka iðju ættu að hætta að hneykslast á dópistunum sem bíða fyrir utan tryggingastofnun eftir fórnarlambi og líta í eigin barm.

   (1 af 2)  
3/12/06 16:00

Billi bilaði

Þú tekur væntanlega vel á móti þeim þegar þeir koma.

3/12/06 19:02

Goggurinn

Vei öllum þeim er standa í vegi Andskotans.

3/12/06 19:02

krossgata

Vegur öllum þeim sem standa í veii hans.
[Glottir]

5/12/06 04:00

krossgata

Rafmælisóskir

5/12/06 04:01

Offari

Ég hélt að þessi svarta vinna væri eingöngu fyrir svertingja.

5/12/06 04:01

krossgata

Nú er það svart.

1/12/07 12:01

Álfelgur

Fyrst árið 2008!!

3/12/07 09:00

krossgata

[Málar skrattann á vegginn]

4/12/07 04:00

Álfelgur

[Málar yfir skrattann] Ekkert guðlast hér!

1/11/07 04:01

Geimveran

Nær í ömmu skrattans.

1/11/07 04:01

Geimveran

Og á meðan ég man.

Til hamingju með rafmælið.

2/11/07 13:01

Wayne Gretzky

Hah.

31/10/09 23:01

Sannleikurinn

Svört vinna er eitthvað sem ég styð 100%. Hættum einfaldlega að kalla þessa vinnu svarta vinnu og förum að bera virðingu fyrir vinnunni sem hún er. Svo er ég þegar búinn að mála djöfla á vegginn heima í orðsins fyllstu merkingu , þ.m.t. djöfla étandi börn.

1/11/10 04:01

Texi Everto

Til hamingju með afmælið Andskoti, þú ert orðinn andskoti gamall [Hlær stuttaralega og snorkar]

Má ég annars kalla þig Assa?

Andskotinn:
  • Fæðing hér: 28/10/03 00:13
  • Síðast á ferli: 30/3/07 01:30
  • Innlegg: 13
Eðli:
Andskotinn er hrjáður af athyglissýki og athyglisbrest. Sýkin er trúlega tilkomin vegna brestsins. Hann veitir sjálfum sér sem og öðrum littla athygli og verður því ekki var við þá athygli sem hann fær. Þetta gerir það að verkum að hann verður í meiri þörf fyrir athygli sem hann trúlega tekur ekki eftir.
Fræðasvið:
Vondar kvikmyndir sem maður fær frítt með nýjum myndum á betri myndbandaleigum