- Og hvað?
- Ó, mitt áður fríðaþjóðþing, hve aum er þínásjóna!
- Með land að arfi
- Fullveldi
- Þjóðerni og húmanismi
- Á lokaballifjárglæfrafestanna
- fólk
- Mónó
- Á morgun mun ég kjósa -en hvað
- Björgum Vestmannaeyjum
- Morðfé
- Hrappurinn í hrafni bjó
- Kárahnjúkar
- Lengi lifi Gagnvarpið
- Íslenski Aðalloðfíllinn
- Erlent vinnuafl
- Af góðu og illu
- Örstutt um hálfseli
- Ljóðið sem engum líkaði
- Frábærar breytingar
- Ég afneita
- Byltum félagsritum
- Háidalur
- Verum góð
Nei, nú get ég ekki lengur orða bundist.
Illa er farið með Vestmannaeyinga. Þessir fornfrægu grannar okkar í suðri. Flugfélög vilja ekki fljúga með þá í flugvélunum sínum nema þeim sé mútað til þess. Þeir þurfa alla jafnan að ferðast á milli lands og eyja á handónýtum hriplekum dalli sem getur ekki siglt ef vindhraðinn nógu mikill til að lítil börn fari út til að fljúga flugdrekunum sínum. En það er ekki það eina, íbúarnir hafa byggt húsin sín á virku eldfjalli, eina stjarnan þeirra synti til Noregs og drapst úr kúltúrsjokki, fólk frá eyjunum eru sífellt að lenda í því að vera bendlað við Árna Johnsen og á hverju ári er sigað á þau 10.000 manna ölvuðu innrásarliði sem leggur Herjólfsdal í rúst.
Hvað er til ráða fyrir þetta vesalings fólk. Einhverjir sækja það hart að bora holu ofan í jörðina í landi og upp úr henni aftur í Vestmannaeyjum. Vestmannaeyingum er síðan ætlað að smjúga í gegnum holuna til að komast í land - eins og er þá sé ég þann kost einan við þetta ráðabrugg að hægt er að kalla þá sem smjúga gegnum holuna og út til Vestmannaeyja "útsmogna" en aðra kosti sé ég ekki. Það sem ég hef mestar áhyggjur af er að þegar holan verði tilbúin þá muni hún samstundis stíflast og fyllast þegar menningarsoltnir Vestmannaeyingar reyni að flykkjast til Selfoss og Reykjavíkur gegnum holuna.
Ég hef þó betri hugmynd og lausn á vandræðum Vestmannaeyinga. Ég legg til að allir þeir sem enn þrauka á eyjunum verði fluttir með skipum til lands á einu bretti á kostnað landssjóðs og fundið húsaskjól í yfirgefnum blokkunum á vellinum, þar er allt til alls fyrir samfélag af þessari stærð! Þá þurfa þau ekki lengur að kvarta yfir dallinum og holuskortinum og geta þess í stað notið alls þess frjóa sem Suðurnesin og höfuðborgarsvæðið hafa uppá að bjóða. Þau þurfa ekki einu sinni að flytja sig um kjördæmi. Þá mætti henda restinni af Vestmannaeyjum í púkkið með Surtsey og sækja um aðild fyrir þær allar að heimsminjaskrá. Það þyrfti þá ekki að fara í rándýran holugröft, það mætti hætta að borga flugfélögum fyrir að fljúga þangað gegn sínum vilja og svo mætti sökkva helvítinu honum Herjólfi. Í þessu væri fólgin mikil hagkvæmni.
Reyndar er málið auðvitað ekki alveg svona einfalt, það þarf jú að veita Vestmannaeyingum nauðsynlega aðstoð þegar þau flytja til lands til að hjálpa þeim að aðlagast samfélaginu. Það þarf að bjóða upp á allskonar námskeið, aðallega í formi ökutíma enda vart hægt að búast við því að þau séu vön umferð og svo þarf auðvitað að kenna þeim tungumálið. Þetta kann að hljóma ærið starf en ég hugsa að engar óyfirstíganlegar hindranir séu í veginum. Við þurfum ekki að líta lengra en til þess hvað innlimun Póllands gengur vel.
Ég hef ákveðið að hefja herferð til að koma þessu áleiðis og vona að þið hjálpið mér að styrkja þetta aðþrengda fólk. Herferðin mun bera yfirskriftina "How do you like Iceland? - Vestmannaeyinga heim!".
(10 af 24)
"Ég legg til að allir þeir sem enn þrauka á eyjunum verði fluttir með skipum til lands.... "
Var ekki búið að gera þetta 1973?
[Klórar sér í höfðinu]
Sagan virðist þá kenna okkur að þessi leið virki ekki.
Já þetta var reynt alveg eins og Krossgata segir en þeir óðu strax út í eyjuna aftur. Voru varla komnir á land þegar þeir ruku tilbaka einn á eftir öðrum.
Þannig að varhugavert er að halda að þeim sé viðbjargandi þrátt fyrir að boraðar séu óteljandi holurog heilu lystisnekkjurnar sendar upp í fjöruborðið. Það er eitthvað genatengt held ég sem veldr þessu.
Til að áætlunin gangi upp verður að senda erfðabreytt matvæli á staðinn áður en fólksflutningar geti hafist.
Í matvælunum, og helst vatninu líka, verða sett efni sem bæla niður "Eyjamanninn" í fólkinu og fær það til að hætta að elska þessa eldvirku, niðursokknu fjallstoppa svona mikið.
[Ljómar upp og hefst handa við gerð tryggingaáætlana til þessa verkefnis]
Þetta er ágætis hugmynd. Getum við samt ekki skilið hljóðfæri eftir úti í eyjunni, annars gæti þeim dottið í hug að taka svokallaðan "brekkusöng" við hin og þessi tækifæri.
Glúmur vekur hér sem fyrr upp þarft umræðuefni: Vestmanneysku spurninguna. Ég er sammála höfundi um nauðsyn þjóðflutninga fyrir þessi grey. Þó Miðnesheiðin sé augljós kostur tel ég flutning þangað vera óæskilegan með öllu á grundvelli þjóðaröryggis. Ef þjóðflokkur Vestmannaeyinga verður fluttur í næsta nágrenni við hinn villta þjóðflokk Keflvíkinga tel ég næsta víst að út muni brjótast út blóðug borgarastyrjöld af því tagi er mun láta Íraksróstur líta út eins og teboð hjá ömmu gömlu. Sú óhjákvæmilega þróun væri ekki til mikilla trafala fyrir þjóðarheill ef Reykjanesið væri afskekktur útnári en svo vill til að alþjóðasamgöngur þjóðarinnar eru einmitt á þessu svæði og má gera fastlega ráð fyrir að flugvöllurinn verði jafnaður við jörðu með tíð og tíma, í endalausum skærum ásamt því að Reykjanesbrautin mun líklega verða eins konar einskismannsland milli víggirtra skurða sitt hvorum meginn við veginn.
Því eru nokkrir möguleikar í stöðunni:
- Hið makkíavellíska sjónarhorn: Að færa alþjóðaflugvöllinn til Reykjavíkur, girða Reykjanesið af og láta Keflvíkinga og Vestmannaeyinga tortíma hvorum öðrum á nokkrum árum. Þar með losnar ríkið við erfiða þjóðflokka.
- Hið berlínska sjónarhorn: Veita Vestmannaeyingum griðland í herstöðinni en girða jafnframt verndarsvæðið enn frekar af. Ókostur: Enginn múr getur skilið að blóðþyrsta og valdasjúka þjóðflokka.
Að lokum vil ég benda á þann kost sem mér þykir hvað vænstur og kalla ég það Mannúðarfulla sjónarhornið:
Að flytja Vestmannaeyinga alla með tölu til Jótlands.
Þar með verða engar blóðsúthellingar (nema á Danaóbermunum - sem eiga það skilið) og hægt verður að nota herstöðina til arðbærari framkvæmda.
Ég hef ritað félagsrit um ferðir mínar í þessa stórhættulega lands og ég tel ekki ráðlegt að blanda þeim íslendingum.
Þetta eru upp til hópa villimenn sem má líkja við myndina "The island od Dr,Moreo" eða hvernig sem það er skrifað.
Best væri að byggja háa rafmagnsgirðingu þarna í kring, klippa á síma og netsamband og banna alla loftumferð þarna yfir og gleyma því að þessi staður sé til.
Eftir 50-80 ár er svo fróðlegt að sjá hvernig fólkið kemur út eftir allan þennan tíma án sambands við umheiminn.
Já...hvers eiga Íslendingar að gjalda með að leyfa Vestmannaeyinga ganga lausa á fastalandinu. Sláum tvær flugur í sama höfuðið og sendum þá til Færeyja..... Þá útrímum við Vestmannaeyingum OG Færeyingum..... win win dæmi
Athyglisvert ! Þarna í þessum hraunhólmum mætti hafa fanganýlendu. Glæpalýðurinn sem nóg er af gæti þá dundað sér við að grafa göng til Íslands ef heimþráin verður mjög sterk.
Þetta líst mér vel á. Það er synd og skömm að láta þessu kanahús grotna þarna og morkna. Grá upplagt að setja eyjaskeggja í þau. Svo er þetta líka sæmilega vel afgirt, þarf væntanlega að halda þeirri girðingu við og setja á hana straum.
Það er pottþétt ódýrara að koma þeim þarna fyrir heldur en að púkka upp á samgöngur út í Eyjar.
Vestmannaeyjar eru of nálægt Færeyjum, slítum öllum samskiptum við Vestmannaeyjar!
Ég hélt að flestir Vestmannaeyingar væru stoltir af því að vera bendlaðir við Árna Johnsen. Þar held ég að sé kominn vandi þessa kynstofns í hnotskurn.
- Fæðing hér: 8/8/03 13:32
- Síðast á ferli: 23/6/16 16:18
- Innlegg: 45