Hér með segi ég Hæ við ykkur gestapóa og læt fylgja með frumraun mína í vísnagerð. Öll uppbyggileg gagnrýni er vel þegin.
Skáld ég gjarnan vildi vera
vísur góðar yrkja
skáldgáfuna bljúg þá bera
búið-heila virkja
Á listforminu litlum tökum náði
leit að innri ljóðsköpun
leystist upp með háði
Nú lútinn þennann ljóða fundið hefi
yrkja vil ég vísur hér
með visnu skáldanefi
Ég sé bara ekkert athugavert í fljótu bragði, og svo ræðurðu við vikhendur líka! Slepptu þessari hógværð, hún fer þér ekki. Vertu bara velkomin.
Ekki er ég bragfræðisérfræðingur en þessi fer athugasemdalaust í gegnum mína síu. [Lj+omar upp] Góð frumbyrja.
Takk fyrir! Las mér til um vikhendur áður en ég skrifaði þetta -á víst Skabba Skrumara það að þakka að þær eru réttar. Takk Skabbi.
Það vantar bara punkta og komur. Smotterí, en kannski er það höfundareinkenni, eins og sumir sleppa stórum staf.
Ég er bara lítill pói sem ekki er komin með höfundareinkenni - aðeins hugsunarlausar villur. -Takk fyrir ábendinguna Regína!
Eins og Skabbi sagði einhvers staðar: Það verður nú að vera eitthvað að til að hægt sé að gagnrýna. <Skálar>
Stafsetningar reglur eru aðeins til hliðsjóna r í ljóðagerð.
Þetta er mjög fínt félagsrit hjá þér Álfylgur