Hvurnig allt hefur þróast.<br />
Þegar ég hóf mína vandlega undirbúnu og þaulskipulögðu innrás í Baggalútíu þá gerði ég mér það alveg ljóst að það var eins líklegt að það gæti orðið erfitt að samlagast samfélaginu. Hér væru að öllum líkindum búnar að myndast vinahópar, klíkur og kaupfélög sem mér yrði vart hleypt inní fyrr en eftir dúk og disk, ef þá nokkurn tímann. Ég, hafandi búið í vanþróuðum og menningarsnauðum löndum s.s. Mbl.is og H***.is var alveg undir það búinn, að þeir sem hér ráða ríkjum væru ekki ginnkeyptir fyrir því að láta einhvurn menningarvannærðan nýbúaskratta vaða hér inn um allt.
En í stað þess að vera tekið eins og ölvuðum afbrotamanni sem ryðst inn í barnaafmæli, þá er reynslan sem betur fer allt önnur. Hér hafa allir reynst vinsamlegir í minn kálgarð og þegar ég á fyrsta degi var boðinn ásamt öðrum nýliðum í 1/2 aldar afmæli Þarfa, þá var ég bæði undrandi og hrærður. (Það að ég þorði ekki fyrir mitt litla líf að mæta kemur þessu ekkert við)
Því vil ég þakka öllum sem ég hefi hitt hérna fyrir góðar móttökur, og ég vona að samferð okkar hér verði sem lengst og ánæjulegust.
Hálfar aldar afmæli Þarfa?
ÞARFA?
[Hrifsar listann yfir óvini ríkisins af Vlad og bætir Huxa efst á hann]
Svona er bara lífið, sumir labba inn í Baggalútíu og líður strax eins og heima hjá sér, aðra þarf að siða aðeins til og enn aðrir gefast upp á öðrum degi.
Ég segi eins og hinir, velkominn og láttu fara vel um þig, innreið þín í Baggalútíu er skólabókardæmi um vel heppnaða nýliðun! [Setur öll fyrstu innlegg Huxa í nýliðaþjálfunarhandbækur Bagglýska heimsveldisins]
P.s. klóraðu Tigru aðeins bakvið eyrun og gefðu henni Færeying að naga, þá ættirðu að sleppa við listann...
Velkominn. Njóttu verunnar og félagsskaparins. Sum okkar eru ekki alveg jafn hættuleg og við virðumst vera. [Ljómar upp]
Velkominn hafi ég ekki sagt það áður. Þér hefur greinilega verið komið fyrir á rangri hillu og gott þú hefur fundið þá réttu... í tíma.
Tigra. Ég biðst innilega forláts á þessum mistökum sem skrifast algerlega á reikning færeysks prófarkalesara sem ég er með hér í léttingum á srifstofunni. Hvort á ég að senda þér hann ferskan eða þurrkaðann?
Þarfi. Vissulega fannst mér þetta undarlega hár aldur miðað við hversu unglegur þú ert á myndinni af þér. En skrif þín bera hins vegar merki þess að þar fari djúpvitur öldungur, svo ég taldi ekki ólíklegt að meðaltalið væri u.þ.b. 50 ár. Annars er þetta allt helv. færeyingnum að kenna.
Fer í fýlu (en bara að því að ég steikti fartölvuna mína). <Dæsir mæðulega og lýtur út um gluggann - og dettur næstum því>
Þú er samt alveg ágætur þrátt fyrir að misþyrma færeyjingum.
Billi. Færeyingar eru það sem kallað er ásættanlegur herkostnaður til að halda friðinn við kattavinafélagið hérna.
Vertu velkominn Huxi, en vita máttu að ég er vinur Færeyinga og líð ekki illa meðferð á þeim hvað þá að þeir séu notaðir til átu.
Þú virðist smellpassa í þetta samfélag geðsjúkra.
Vertu velkominn en á hvaða lyfjum ertu?
Velkominn Huxi það vantar einmitt huxandi menn hér svo mér takisst að koma mér í almennilegt fýlufrí.