Hér verður reynt að færa í orð hugsun er kom í hugann er ég var að hugleiða leiðir kærleikanns nýlega.
Mannkynið þarf að átta sig á að meiri unun fæst við ástaratlot með því einu að leggja meiri elsku eða kærleik til mótaðilans, en ekki aðeins í atlotin sjálf. Ekki er gerður greinarmunur á hvort um er að ræða elskendur, börn, maka, eða annað fólk er maður hittir og umgengst í lífinu.

Í stuttu máli orðast þetta þannig:
Þegar lögð er meiri ástúð í samneyti innan lífheildarinnar eflist lífið.
Afleiðingarnar sýna sig meðal annars í því:

·Börn verða fegurri, gáfaðari og heilbrigðari.
Hugur fólks starfar af rósemi þegar kærleikur verður virkari í mannlegum samskiptum.
·Náttúran verður rólegri, fegurri og samræmi kemur í starfsemi hennar.
·Listhneigð og gróska efldist með hverjum degi.
·Slysum fækkar og öldrun hægir á sér.

Niðurstaðan er að leggja meiri ástúð í samneyti við aðra og uppskeran kemur á óvart.
Aðferðafræðin er einföld, opnaðu skjóðu tilfinninganna og leyfðu þér að njóta ástúðarinnar sem býr innra með þér. Persóna er að mestum hluta þær tilfinningar sem hún sýnir og sannaðu til, að með opnun tilfinningaflæðisins aukast áhrif þín í umhverfinu. Leyfðu þínum nánustu nær og fjær að njóta þín sem persónu.
Vegna aukinnar líforku og bættrar tengingar við hið æðsta, getur við getnað raðast saman bestu litninga eiginleikar foreldra til myndunar afkvæmis. Þegar litið er til þess að oft eru fyrstu börn para yfirleitt betur úr garði gerð en þau er eftir koma. Oft má greina á afkomendum hvenar ástin blómstraði í samneyti para.
Við aukna kærleikshugsun róast hugurinn og verður frjórri og öll hugsun verður auðveldari. Algengt er að æstir hugar óvildar og haturs geti ekki hugsað rétt og lokast inní heimi hugsunartregðu. Tregðu sem mörgum er erfitt að yfirvinna.
Þegar hugar róast, hægir ferli náttúrunnar á sér, veðurfarið verður viðráðanlegra þar sem æsinga hugir verða þá lítt starfandi eða ekki.
Þegar hugurinn kyrrist tengist hann æðri hugsun og frjósemi hans margfaldast. Þá verða listfrömuðir aldrei í vandræðum vegna hugmyndaskorts.
Þar sem hugarnir verða móttækilegri og um leið ábyrgari má gera ráð fyrir að slysum stórfækki og vegna aukins næmis skynja hugar betur hvorn annann í umferðinni.
Einnig mun aukinn kærleikur draga úr öldrun og hrörnun.
Sterklega ber að hafa í huga, að til þess að árangur á þessum umræddu sviðum náist, þarf umtalsverðann fjölda fólks og einnig, hugsun er afl, enda eru vísdómsmenn farnir að gefa þessu fyrirbæri gaum.
Hér er ekki sagt annað en það sem búast má við sem afleiðing þess að kærleikurinn starfi af þeim krafti sem honum er eiginlegt og er hans tilgangur.
Tilgangur lífsins er kærleikur og samstilling lífheilda.