Kindur eru ákaflega bragðgóðar. En sama er ekki hægt að segja um þessar ákaflega fráhrindandi auglýsingar framsóknar, sorglegt að annars ágætasta fæða skuli spyrt saman við.

Mér finnst alltaf svo skrýtið að þessar síður, samfo.is og kind.is eru auglýstar sem síður ungs samfylkingar- og framsóknarfólks en eru síðan bara einhverjar drasl b2.is eftirlíkingar. Á kind.is eru svo hræðilega asnalegar flass-auglýsingar sem líta út eins og ætlaðar fyrir 13 ára með Michael Moore áróðri.

Íslenska kindin er sú eina sem þekkt er til að eiga svokallað Forystufé. Meira að segja sauðfé hefur sjálfstæðan vilja, svo vinsamlegast ekki gera svo lítið úr henni að bendla hana við framsóknarflokkinn. Ég þekki ekki eina einustu kind sem hefur kosið þann flokk. (Ýmsir sauðir hafa hins vegar gert það í gegn um tíðina.) [Glottir við tönn og kjamsar á hangikjeti]

Það þarf að vekja fólk og minna það á að það á að vera fólkið sem velur hver egi að stjórna landinu!
Kosningar eiga ekki að vera eihverskonar vinsældarkeppi, heldur eiga þær að vera val á því fólki sem er tilbúið að stjórna landinu á þann máta sem "þér" finns best!
Það á ekki að vera um það hver grillar bestu pylsurnar!

Hvað skyldi Offari hafa um þetta að segja? Annars leiðist mér þessi pólitíska umræða á Gestapó. Er ekki nóg að hafa hana á blogginu?

Mig er farið að gruna að Jóakim leiðist pólitísk umræða. Ætla það sé eitthvað til í því? [Klórar sér í höfðinu.]

Mér finnst nú mat á auglýsingum ekkert sérlega pólitísk umræða. Annars er pólitík á Baggalút mun skemmtilegri en annars staðar í heiminum og mun skemmtilegri hliðar sem varpað er upp.
Skál!

‹Strunsar út af sviðinu og skellir á eftir sér›

[Læsir]

Kallarðu það ekki árangur hjá Dóra að selja sig fyrir forar-sætis-rán-herrastólinn í nokkra mánuði? Hann náði því sem hann vildi.
Annars hlýnaði mér um hjartarætur þegar þú kallaðir þetta samansafn lygara og þjófa ,,Glæpasamtök" því hvað er þetta annað?

Alveg rett en bara ólíkt framsóknarflokknum þá hefur til dæmis... mafian ákveðnar siðareglur og heiðursreglur sem þeir fylgja þannig að þaðmætti segja að mafian sé aðeins skárri kostur en XB..

[Tvílæsir svo Offari sjái ekki síðustu athugasemdina]

Ég held að það sé fátt betra en að vera áhyggjulaus kind úti í guðsgrænni náttúrunni. Ef framsókn getur gert líf okkar eins auðvelt og áhyggjulaust, á næsta kjörtímabili, og líf ísnenskra sauðkinda hefur verið hingað til, þá set ég sko x við B!

Mér hefði þótt mun meira við hæfi að kalla þetta rit 'Meira um kind', af augljósum ástæðum.

Pant vera forystusauðurinn á næsta kjörtímabili!

Samþykkt.

[ljómar upp]

Mafiuhyski.

Morðfé