- Gleymdust í verkfalli
- Ódauðleg rómantík?
- Lýst er eftir
- Ég telst víst óttalegurdrullusokkur.
- Hrikaleg tilraun.
- Hagyrðingamót 25. maí2008
- Morð
- Skápareglur ogpíramídar.
- Að bera í bakkafullanlækinn.
- Truflun á rannsóknum
- krossgata II
- Andartak.
- Bókin um
- Kynferðismál á alþingi.
- Að kenna sparsemi
- Vandamál
- Tequila sólarlag
- Háhælaðir skór
- Fórnarlömb ónýtt fólk?
- Stjörnuspeki
- Að fanga hugmyndir
- Örsaga.
- Óbundið
- Guðatáragrátur
- Árekstrar í tíma og rúmi
- Hvert skal halda
Yður hefur í dag fæðst dótturdóttir.
Ég er orðin amma aftur!!
krossgata önnur kom í þennan heim í dag um nónbil. Hún var hvorki hávær né fyrirferðarmikil, heldur horfði greindarlegum augum (eins og amma sín) á heiminn og skoðaði föstu augnaráði. Eitthvað fór þessi rósemi í taugarnar á heilbrigðisstarfsfólki, sem linnti ekki látum fyrr en það hafði grætt barnið. Ég mun auðvitað seint fyrirgefa þeim að raska ró litlu krossgötu svona. En heilbrigðisstarfsfólk mun þeirrar gerðar að þykja barn ekki fyllilega hafa stimplað sig inn nema það gráti.
Við langmæðgurnar spjölluðum svolitla stund í dag og var hún ánægð með að pyntingum heilbrigðisstarfsfólks væri lokið. Þetta sagði hún ömmu sinni með bros á vör. Margir munu auðvitað segja að það hafi bara verið loft í maganum á henni sem kitlaði hana, en við krossgöturnar vitum nú betur og brosum bara góðlátlega að öllu saman.
Ömmukúturinn minn sem nú er orðinn stóri bróðir aðeins þriggja ára að aldri óx svo mikið í ábyrgðarhlutverkinu sem skellt var á hann þegar hann var sóttur á leikskólann að hann er orðinn svaka stór og sterkur. Hann reyndar segist vera orðinn risastór Batman.
Þess verður ekki langt að bíða að ættartréð verður farið að stunda leirburð og aðra skemmtan hér.
(11 af 26)
Til innilegrar lukku & ómældrar hamingju, kæra vinkona !
Skál & aftur skál !
Hjartanlegar hamingjuóskir . Sú litla á örugglega eftir að mæta á krossgötu lífsins og þar stendur þú stolt og bendir í rétta átt
Bestu hamingjuóskir krossgata.
Yngsti meðlimur fjölskyldunnar má vera stolt af ömmu sinni og erfir örugglega skáldagáfur hennar með réttu uppeldi.
Til hamingju aftur o skál!
Til hamingju með perluna Krossgata. Ég er vonandi hættur barnaframleiðslu en vonandi fer ég fljótlega að framliða barnabörn.
Til hamingju með skottið.
Mútta mín verður víst amma í fyrsta sinn í nóvember, vonandi á henni eftir að finnast það jafn frábært og þér [ljómar upp]
Takk fyrir allar hamingjuóskirnar. Nornin hún mútta verður örugglega mjög ánægð. Það er svo miklu auðveldara að eiga ömmubörn. Fæðingin miklu léttari. Ég var til dæmis alveg stálslegin og óþreytt eftir að þau komu í heiminn þessar elskur.
Ég er búin með síðustu gátu, svo sú litla bíður bara næsta laugardags með að snara þessu fram.
[Rifnar af monti]
Innilegar hamingjuóskir með litlu dömuna og bestu kveðjur til allra hlutaðeigandi.
Til lukku - ég hlakka mikið til að verða amma - sem verður samt vonandi ekki fyrr en eftir 15 ár eða svo. Það er víst ákaflega gaman (en ekki alltaf svo gaman að vera mamma, fyrirgefðu Norn, það er gaman fyrstu árin...) - að vera amma/afi eru verðlaunin sem fólk fær fyrir að hafa ekki myrt börnin sín í bernsku!
[Springur úr hlátri yfir athugasemd Vímusar]
Hvernig í ósköpunum nennirðu þessu krossgata? En... megi króginn veita þér jafn mikla ánægju og vatn í eyðimörkinni.
Annars langar mig að snara fram þeirri spurningu: Hvernig í ósköpunum stendur á því að (ó)heilbrigðisstarfsfólk skuli gera það að leik sínum að græta börn sem koma ógrátandi og róleg í heiminn? Er einhver læknisfræðileg forsenda fyrir þessari óáran? (Spyr ég sem einn af þeim fáu sem koma ógrátandi í heiminn...)
Afsökunin sem gefin er að gráturinn hreinsi öndunarveginn. Þetta er minnir mig líka hluti af "lífsmarka"-athugun sem gerð er á barninu. Mér finnst samt óþarfi að græta þau sem koma ógrátandi og róleg í heiminn og anda svona líka ljómandi fínt. Þau koma til með að gráta ekki svo löngu síðar þegar eitthvað í umhverfinu kallar á þau viðbrögð, s.s. há/snögg hljóð, snögg/mikil birta, svengd, breyting á hitastigi.
Hvernig ég nenni þessu? Þetta er svo miklu einfaldara og þægilegra að verða amma, en mamma.
Til lukku Krossgata. Gaman að heyra þetta.. já eða lesa.. Njóttu þess að vera amma. Ég skal alveg trúa því að það getur verið gaman að vera amma. En fyrst verður maður nú að verða mamma haha
- Fæðing hér: 20/11/06 10:54
- Síðast á ferli: 1/2/22 11:03
- Innlegg: 8534
Örlögin höguðu því svo til að krossgata er vel kunnug staðháttum við Faxaflóa, þó undanskilið sé stór-Reykjavíkursvæðið. Hefur það aukið víðsýni hennar töluvert.