— GESTAPÓ —
Græneygðogmyndarleg
Fastagestur með  ritstíflu.
Saga - 31/10/05
Draumahöllin mín!

Á ferð minni um landið árið 2004 rakst ég á draumahöllina mína. Kom í ljós árið 2006 að fleiri hefðu augastað á þessu mjög svo sérstaka húsi er ég kallaði draumahöllina mína sem síðar kom í ljós að væri alls ekki allt í lagi með. Í framhaldi af því varð sagan til um draumahöllina mína og upplifun er Glundroðinn varð að yndislegum kvöldroða.

Svo kemur aðalsagan ;))

Jú ég er komin heim, búin að skoða ''höllina'' hííhííí sem er audda alveg frábær draumahöll fyrir mig eða okkur hííhíííí. Ég gæti sett t.d. teppi fyrir gluggana yfir sumarið og byggingarplast á veturnar. Aukaatriði hvort gólfið heldur þunga mínum/okkar eða ekki, þar sem þetta hús er audda draumahús. Ég/við gæti verið með hengirólur út um allt og hoppað á milli eða sett planka á milli hengirúmanna.. verður audda að vera rúm sko!, hengirúm, svo hægt sé að hvíla sig á milli æfinga. Kosturinn við þetta er sá að sennilega helst maður í góðu formi á meðan. Svo audda fer ég að huga að útveggjunum, ef gólfið er sonna gott og blessað... hmm... þá gætu þeir gætu fallið saman við álagið frá hengirúmunum.
Þú sem tilvonandi eiginmaður minn gætir fundið einhverja lausn á því, ekki satt ? hííhííí... Svo er annað vandamál, rennandi vatn, það hlýtur að vera einhverstaðar lækur þarna, þó ekki sé nema smá spræna fyrir okkur... þurfum ekkert rafmagn, notumst við kerti, sem er fínt mál þar sem ég er svo mikil kerta-manneskja. Elska kertaljós, svo það ætti bara að fullkomna drauminn um draumahúsið ;)) Vonandi þú líka, annars erum við komin með fyrsta vandamálið okkar upp á pallborðið. Annars má líka kveikja upp varðeld, gæti verið vandamál ef það yrði gert innan dyra. Finnum lausn á því. Mar deyr aldrei ráðalaus ;))
Svo það besta við þetta er audda baðið sem er ansi stórt og víðáttumikið... geðveikt flott, ekki hægt að hugsa sér meira rómó aðstæður en þetta stóra bað skapar okkur. Sjórinn!!
Við getum legið og notið kvöldroðans á meðan við notum hendur hvors annars við að þrífa okkur.. hugsaðu þér !! við gætum meira segja notað steinana til að þrifa húðina, svo ef okkur verður kalt...hmmm... ætli við gætum ekki rænt nokkrum kindum, fláð þær og notað ullina til að hlýja okkur í verstu kuldunum. Síðan má audda nýta ketið og elda það við góðan varðeld og eta það. Ég var nærri búin að gleyma að segja ''við'' þar sem þú átt víst að kaupa þetta draumahús handa mér.. hííhíííí.................
Svo loksins eftir 10 ár þegar við erum búin að gera draumahöllina upp og við orðin nokkuð sæl með afrek okkar beggja, þá sennilega gæti sú staða komið upp að við færum að sakna þess sem áður var.. alls hráleikans sem audda er eins og höllin var í byrjun. Ónýt steypa. Veggir að falla saman og gólfin að hrynja, gluggar brotnir ofl. ;))

En þegar að leiðarlokum kemur þá sitjum við í fangi hvors annars í hengirólunni út á palli sem vísar út á sjóinn og njótum þess í friðsældinni að horfa á kvöldroðann þegar sólin er að setjast... finnum og njótum friðarins er náttúran ein getur gefið okkur og slökum á... Í bakgrunn orða, snertinga og kossa heyrum við í fuglunum er þeir syngja sönginn okkar dirrindíí.. '' Fullkomnun '' - Glundroðinn að baki og í staðinn er komin kyrrð í fallega kvöldroðann er sveipar um mig hlýju í húmi nætur og bíður mér góða nótt á hverju kveldi með heitum kossi.

   (2 af 2)  
31/10/05 21:02

Glundroði

Heyr, heyr! Aldeilis rómantísk og falleg saga. Gaman að konur eru að kveða sér hljóðs hér á meðal okkar gömlu frosnu kallpunganna.

31/10/05 21:02

Offari

Þú gerir ekki miklar kröfur, ertu nokkuð hún nútíma fjalla Halla? ;)

31/10/05 21:02

Græneygðogmyndarleg

Rímar vel þetta fjalla Halla, varð hún stór og stæðileg? Vel gift kona, híííhííí

31/10/05 21:02

Offari

Er hjónalífið svona hjá ykkur ??

Daman Halla fer til fjalla
fer að malla súpu þar
Hún vill kalla hér með skalla
hann vill svalla nú á bar.

31/10/05 21:02

Skabbi skrumari

Hvaða svigarugl er þetta eiginlega... eru þetta svokallaðir brosgelgjukarlar...

31/10/05 21:02

William H. Bonney

audda? mar? broskallar? híhííííííííííií? sonna?
Hvaða mál er þetta? græneygðogmyndarleg? Hvers konar deitspjallsíðu nikk er nú það? Sorglegt, því hugsanlega gæti sagan verið þolanleg ef horft er framhjá þessu öllu.

31/10/05 22:00

Glundroði

Hmmm ... Galdurinn við sögu er oft að hún er ekki alltaf öll þar sem hún er séð. Sagan og nikkið gæti þess vegna verið íronía, hver veit? Ég talaði um frosna kallpunga áðan. Sýnist skína í punghár í daufum bjarmanum í frystikistunni.

31/10/05 22:00

Græneygðogmyndarleg

Hmm... eins og þú lýsir henni ? neee...

Daman Halla fer til fjalla,
ferðalag með kalli fer.
Ástin hennar draumur í hjalla.
hjartalaga saumar hún sér
sængur,kodda leggur í salla.
Ketið er lætur vel að mér.

31/10/05 22:00

Græneygðogmyndarleg

Hvurlags dóni ert þú ? Hvað var nafnið þitt aftur ?
William hvað?

31/10/05 22:00

Jóakim Aðalönd

Billy the Kid?

31/10/05 22:00

Jóakim Aðalönd

Stafsetning þín er góð, en þú skrifar greinilega talmál. Talmál og ritmál er alls ekki sami hluturinn. Broskallarnir eru lýti á textanum og orðin ,,audda" og ,,mar" sömuleiðis. Annars fín saga og skemmtileg...

31/10/05 22:00

Anna Panna

Æi plís, nennirðu að fara aftur á Barnaland og vera þar. Eða læra að skrifa réttan texta án táknanna tvípunktur/semikomma - svigi lokast í námunda hvort við annað.

31/10/05 22:00

Græneygðogmyndarleg

Æi plís, Anna Panna, nennir þú að þegja. Það var með ráðum gert að skrifa söguna eins og hún er skrifuð.

31/10/05 22:00

Glundroði

Ég er nú maður víðsýnn og umburðarlyndur eins og allir vita sem til mín þekkja. Ég er ekki strangtrúaður bókstafstrúarmaður.

Mér finnst þessi saga vera eins og frískandi þeyr í staðnaða sjálfhverfa og innilokaða flóru félagsritanna, sem virðast flest skrifuð af einhverjum miðaldra klíkubræðrum með einsleitan húmor.

Dettur til að mynda engum í hug að horfa til þess að höfundur sé að beita stílbrögðum með talmálslegri orðanotkun sinni???

Hvað þá með Þórberg Þórðarson og Sálminn um blómið??? Er sú bók argasta prump af því að hún er skrifuð að miklu leyti á barnamáli??? Kommon!

Og það eru greinilega ekki bara pungar í frystikistunni :-)

31/10/05 22:00

Þarfagreinir

Ég verð að leyfa mér að vera sammála þeim sem hafa sett úr á framsetningu sögunnar, þó að innihaldið sé gott. Við erum snobbuð gagnvart málfari hér á Baggalúti, og frá því verður tæplega vikið.

Mér finnst þessi gelgjulegi bloggstíll leiðinlegur og pirrandi, og get ekki séð að slíkt stílbragði bæti neinu við söguna, heldur dregur hann hana miklu frekar niður.

Í stuttu máli: Ég kaupi það að um stílbragð sé að ræða, en mér finnst stílbragðið ljótt.

31/10/05 22:00

Græneygðogmyndarleg

Jæja eigum við ekki að leggja til að sumar útgefnar bækur verði innkallaðar fyrir lélegan ritstíl eða ósmekklega sérvisku?

31/10/05 22:00

Offari

Ég er svo heppinn að hafa ekkert vit á stafsetningu þannig að ég hafði bara gaman að þessari sögu hjá þér, Auðvitað var sumt nýtt fyrir mér en ég skildi vel hver meiningin var. Takk

31/10/05 22:00

Anna Panna

Þú hefur þá fengið vond ráð. Líttu nú aðeins í kringum þig á Gestapó og athugaðu hvort þú finnur einhvers staðar álíka ritbjóð og hér að ofan.
Það kemur meira að segja fram í leiðbeiningum um umgengni á Gestapó: „Umræður skulu fara fram á íslensku, vandaðri.”
Ég skal þó viðurkenna að þar sem um félagsrit frá eigin brjósti höfundar er að ræða gæti þetta flokkast sem sérviska höfundar en mér finnst þetta ósmekkleg og metnaðarlaus notkun á íslensku. Það er hægt að gera betur.
(afsakið, þessi belgur var fyrir neðan svar Þarfagreinis, ég smellti óvart á x-ið)

31/10/05 22:00

Anna Panna

Og nei, ég vil ekki innkalla neinar bækur og ef þú finnur ritstjóra sem vill gefa þetta út óbreytt þá væri það bara frábært fyrir þig og á valdi lesenda að dæma verkið. Rétt eins og hér.
Það sem ég á við er að HÉR á Gestapó ríkir almennt það viðhorf að vandað mál kemur meiru til skila til lesanda en eitthvað útjaskað gelgjutal. Þú ert komin inn í samfélag sem er ekki eins og önnur á netinu, við erum stolt af okkar íslensku og notum hana. Sýndu bara metnað, þú getur betur...

31/10/05 22:00

Þarfagreinir

Hér er enginn að leggja til ritskoðun eða neitt í þá veru. Auðvitað er fólki frjálst að skrifa hér hvað sem því sýnist, en öðrum er þá einnig frjálst að gefa álit sitt á því. Gestapó er mjög rótgróið samfélag, og hér hafa skapast ákveðnar hefðir og reglur sem erfitt er að beygja. Þannig er það nú bara einfaldlega í öllum samfélögum, þó svo að færa megi fyrir því rök að Gestapó sé með stífari samfélögum, alla veganna hvað málfari og stafsetningu viðkemur.

Annars er leiðinlegt að sjá að umræðurnar hér á þessu félagsriti eru að snúast upp í málfarsrifrildi ... ég vona að það verði stutt, en mig grunar að það verði langt, því miður.

Ég held bara að ég verði að vara þig við því að þú mátt búast við því að fá svipuð viðbrögð ef þú skrifar fleira í þessum stíl, fröken Græneygðogmyndarleg. Það má rífast um það endalaust hversu mikið það á rétt á sér, en það breytir því ekki að þannig er það einfaldlega hérna.

31/10/05 22:00

Glundroði

Ég ítreka það sem ég sagði fyrr um stílbrög og frelsi til sköpunar.

Varðandi orð Þarfagreinis:

"þó svo að færa megi fyrir því rök að Gestapó sé með stífari samfélögum, alla veganna hvað málfari og stafsetningu viðkemur." - (Nb. betur fer á að segja alla vega og alla vegana er ritað með einu "n"-i ef það er notað).

Þetta er alls ekki rétt. Í textum hér er allt vaðandi í stafsetningarvillum og sóðaskap. Sérstaklega á það við á Skáldskaparmálum, þar sem mikið er lagt upp úr að formið sé rétt en efnið er algjört aukaatriði og stafsetningar- og beygingarvillur vaða uppi átölulaust.

Við ættum að íhuga að þau gömlu sannindi, að það er ekki skynsamlegt að kasta steinum úr glerhúsi.

31/10/05 22:00

Anna Panna

Ein og ein stafsetningarvilla er kannski ekki stærsta áhyggjuefnið og einstaka Gestapóar hafa þróað með sér sérstakan ritstíl sem lífgar upp á staðinn því þær eru hluti af persónuleika viðkomandi.
Broskallar og þessar leiðinlegu „sms” styttingar eru hins vegar ömurleg fyrirbæri og sýna ekkert um persónuleika nema það að viðkomandi er fær um að fylgja straumnum og afsalar sér ábyrgð á því að geta ekki skrifað réttan texta með því að æpa: Stílbragð, stílbragð!
Og þar fyrir utan, hvað er að því að skrifa vandaða íslensku?

31/10/05 22:00

Þarfagreinir

Ég þakka þér leiðréttinguna á málfari mínu, Glundroði, enda er ég ávallt opinn fyrir leiðum til að bæta það.

Ég legg til að frekari umræða um málfar hér á Gestapó verði færð á þar til gerðan þráð sem ég ætla að stofna um málið. Hann mun bera hinn einfalda titill Málfar á Gestapó.

31/10/05 22:00

Græneygðogmyndarleg

Vandað orðalag ásamt málfari hefði ég haldið að ætti að haldast í hendur. Ef við ættum að fara út í að gera athugasemdir er varðar ritstíl, stafsetningu, málfar hvers og eins þá er ég ansi hrædd um að annað yrði ekki gert hér á þessum vef. Ég gæti vinsamlegast bent þér á ýmsar villur í innleggi þínu hér að ofan ásamt fleirum er skrifa hér.
Ég vil benda þér á Þarfagreinir að komma er aldrei notuð á undan samtengingunni ''og''
Hins vegar er ég sammála að misnotkun á íslensku málfari er eigi skemmtileg. Þó eru til sögur er sagðar eru, þar sem undantekningar á vönduðu málfari að mínu mati geta verið skemmtilegar.

31/10/05 22:00

Glundroði

Anna Panna. Mér finnst þú frekar stíf á þínu og hef það á tilfinningunni að þú sért ekki lesa það sem ég skrifa með opnum huga. Ég var ekki að tala um eina og eina saklausa stafsetningarvillu.

En ég fagna tillögu Þarfagreinis.

31/10/05 22:00

Jóakim Aðalönd

Ég sé á belgjunum þínum Græna, að þú ert greinilega velritandi og það er gott. Ég skil í því ljósi ekki hvers vegna sagan er skrifuð með þessu stílbragði. Það er auðvitað einungis mitt persónulega álit, en mér finnst sagan líða fyrir það. Eins og ég benti á hér að ofan, er þetta skemmtileg saga, en stílbragðið ekki.

Annars vil ég bjóða þig velkomna á Lútinn og mér sýnist þú vera efni í góðan og gegnan Gestapóa, með öllu sem því fylgir.

Skál!

31/10/05 22:00

Anna Panna

Glundroði: Ég er stíf á mínu, mér finnst þetta mikilvægt. Og þótt allir aðrir Gestapóar skrifi vitlaust, er það þá afsökun fyrir því að þú gerir það? Myndirðu stökkva ofan af Hallgrímskirkju ef Skabbi myndi gera það?!
Það er satt sem Jóakim segir, þessi græneygða er kannski ágætis penni en hrekur frá sér lesendur (í þessu tilfelli mig) með þessum texta. Nú sé ég fyrir mér að hún segi á móti að sér sé slétt sama um mitt álit en ímyndið ykkur ef sagan hefði verið skrifuð á vönduðu máli og ég hefði sagt að mér fyndist hún æði. Hvers virði væri mitt álit þá? Hversu auðvelt hefði verið að ná í það strax með bara smá breytingu á orðalagi?
En jæja, ég þekki hana náttúrulega ekki neitt fyrir utan það sem ég sé hérna og þessi sjálfskynning höfðar bara ekki til mín.
Þetta eru mín lokaorð í þessu máli, ég óska ykkur öllum góðrar nætur.

31/10/05 22:00

Græneygðogmyndarleg

Anna Panna, ég tel þig ekki vera alveg samkvæma sjálfri þér í innleggi þínu hér að ofan.
Þú skrifar: Ein og ein stafsetningarvilla er kannski ekki stærsta áhyggjuefnið og einstaka Gestapóar hafa þróað með sér sérstakan ritstíl sem lífgar upp á staðinn því þær eru hluti af persónuleika viðkomandi.
Síðar skrifar þú :
Broskallar og þessar leiðinlegu „sms” styttingar eru hins vegar ömurleg fyrirbæri og sýna ekkert um persónuleika nema það að viðkomandi er fær um að fylgja straumnum og afsalar sér ábyrgð á því að geta ekki skrifað réttan texta með því að æpa: Stílbragð, stílbragð!''

Stílbragð og ákveðinn ritstíll.
Þetta fer örugglega eftir því hvað er verið að skrifa hverju sinni hvort viðkomandi er að nota sitt eigið stílbragð eður ei. Oftast þekkist viðkomandi á stílbragði og svo ritstíl sínum.

Læt ég hér staðar numið í bili og mun ég framvegis færa önnur innlegg mín er varða málfar inn í nýja þráðinn sem stofnaður hefur verið vegna þessa málefnis hér er kom í kjölfar sögu minnar um Draumahöllina mína, ef ég hef þörf fyrir að ræða þau nánar á nýja þráð Þarfagreinis.

31/10/05 22:00

Græneygðogmyndarleg

Ana Panna, ég mun svara þér á nýja málfar þráðnum,það er þetta, með þetta svokallaða æði.

31/10/05 22:00

Glundroði

Ég var að átta mig á að hér er ekki hægt að setja inn hornklofana góðu sem boðið er upp á þráðunum, þar sem líst er ýmsum geðshræringum þess er tjáir sig. Það er vissulega eitt afbrigðið af hinni nýju framsetningu sem einkennir netumræðu, sbr. broskallar og fýlukallar o.sv.frv. Það opnar mér enn frekari sýn inn í glerhúsið sem ég minntist á hér fyrr í umræðunni.

31/10/05 22:00

Hvæsi

Andskotans tuð er þetta !

Er verið að vekja mig með þessum hávaða ?
Sagan er fín, en ég skil hinsvegar ekki afhverju sviginn endar bara en byrjar hvergi.
hvað merkir þetta skrýtna tákn ;) ?
Er þetta (Glottir eins og fífl) eða eru þetta dulin skilaboð frá óvinum ríkisins um fyrirHUGAða innrás í Baggalútíu ?
(Hrökklast afturábak og hrasar við sem aldrei fyr)

En hvað um það, skál fyrir Hvæsa.

31/10/05 22:01

Hakuchi

Ég vildi að ég gæti lesið þetta, virðist vera skemmtileg saga. Ég fæ hins vegar andlegan hroll við þessi hííí og svigamisnotkun.

31/10/05 22:01

Ísafold

Þetta jafnast ekkert á við klassíska snilld Úlfamannsins. Vonandi er sá andans maður enn á meðal vor.

31/10/05 22:01

Offari

Þegi þú Hlebbi.

31/10/05 22:01

hundinginn

Hjer er öldungis efnileg píja á ferð. Ekki svo mjög stífluð í kollinum, þrátt fyrir svigið allt og hún gæti vel ort, fái hún til þess nægilegt næði. HÚRRA!

31/10/05 22:01

krumpa

Óttalega nennið þið að tuða... Ég verð að segja að mér leiðast svigakallar og hííííhíí, og gerir slíkt annars ágætan texta torlæsilegan. Hins vegar, ef ég man rétt, vou einhver broskallakvikindi í mínu fyrsta félagsriti, en ég vandist blessunarsamlega (og með góðra manna hjálp) af þeim ósóma. Hvað varðar kommu á undan og þá tel ég þar um skemmtilegt stílbrigði að ræða sem ég nota stundum sjálf, en þó aðeins í undantekningartilvikum(finnst það stundum eiga við, sérstaklega ef um innskotssetningu er að ræða). Áður en menn fara að skapa sér stíl er þó skilyrði að þeir þekki réttu reglurnar til hlítar! Gangi þér vel.

31/10/05 22:02

Ívar Sívertsen

Úff... þetta er ritdeila hin mesta. Ég er hins vegar sammála því að í ritmáli eiga ekki heima svigar í öðrum tilgangi en þeim að afmarka texta sem er til útskýringar. Semikommur og tvípunkta skal nota sem greinarmerki og að rita tilfinningar hefur mér aldrei þótt góð latína og veit ég að er svo um ansi marga hér.

31/10/05 22:02

Günther Zimmermann

Grettusmettanotkun æskufólks þarf að berja út með hörku.

31/10/05 22:02

B. Ewing

Ferlegt að hafa ekkert verið hér alla helgina.


Græneygðogmyndarleg
Jæja eigum við ekki að leggja til að sumar útgefnar bækur verði innkallaðar fyrir lélegan ritstíl eða ósmekklega sérvisku?

Öllum sem vilja er bent á að bókin sem vöðvafíflið Greddunigger (eða hvað hann kallar sig) er tilvalinn eldsmatur á næstkomandi áramótabrennur.

31/10/05 22:02

Græneygðogmyndarleg

Já B.Ewing þú misstir af miklu fjöri hér um helgina. Ég verð þó að viðurkenna að ég þekki ekki til bókarinnar er þú nefnir hér. Verð ég heiðursgestur á þessari brennu ef af verður ?

Ég ætla rétt að vona að umsögn um væntanlega bók mína verði áhugaverðari en sú bók er um ræðir hér.

31/10/05 22:02

Vladimir Fuckov

Þjer eigið hrós skilið fyrir að þekkja eigi til bókar þeirrar er B. Ewing nefndi [Býst við risastórri brennu].

31/10/05 23:00

Græneygðogmyndarleg

Þakkar pent þó með spurnarsvip. Þekkið þér til þeirra bókar er B.Ewing leggur til að lögð verður á umrædda áramótabrennu? (brosir út í annað)

31/10/05 23:01

Rauðbjörn

FRAMÚRSTEFNULEGT!

1/11/05 00:00

Glundroði

Eftir því sem ég les söguna oftar, þá verð ég enn heillaðri. Þarf frekari vitna við?

1/11/05 10:02

Græneygðogmyndarleg

Ég er ekki með neina ritstíflu.

Græneygðogmyndarleg:
  • Fæðing hér: 23/9/06 12:11
  • Síðast á ferli: 19/4/10 09:30
  • Innlegg: 219
Fræðasvið:
Sérfræðingur í öllu sem er grænt