Gakktu fram á brúnina og gáðu hvað þú sérð,
ef gefst þér stund að skoða vegferð þína.
Ef þorirðu að kíkja býðst þér útsýn undraverð,
engi, brýr og hallir við þér skína.
Gakktu fram á brúnina, en gættu vel að þér,
því glæframennska valdið getur skaða.
Þó geturðu svo miklu meir' en heldur, trúðu mér,
í markið nærð á þínum eigin hraða.
Gakktu fram af brúninni ef gæfan segir þér
að gáfulegt sé forlögum að treysta.
Svífðu yfir þröskuldinn og sjáðu hvert þig ber.
Sanna til, í framtíð endurleysta.
Ég rölti bara niður brekkuna í rólegheitum takk.
Einstaklega skemmtilegar vangaveltur og speki.
Það gerist nú fátt merkilegt í lífinu ef þú lætur þig ekki vaða inn í framtíðina Vladimir.
[Íhugar að semja dróttkvæði eða einhvern annarskonar kveðskap um tímavjelina]
Þetta er afskaplega væmið, satt best að segja. En það er samt eitthvað þarna, sem næst kannski fram með meiri lífsreynslu og kennslu góðra manna.
Þetta eru sannkallaðar heilræðavísur. Ég ætla að fara eftir þeim.
Skál og prump!
Fólk er beðið að velja sér brúnir af nákvæmni, t.d. hentar Krísuvíkurberg vel fyrir 1. og 2. vísu, en afleitlega fyrir 3ju (nema Jóakim, hann getur flogið, aðrir myndu slasa sig illa í urðinni).
Og auðvitað er þetta drepvæmið. En væmni fylgir oft gleðinni, svo ég verði nú ennþá væmnari.
Það er ekkert að væmni annað slagið... Leiri er bara of kúl til að viðurkenna það... hehe...
Gott flæði, smart hvernig fyrsta líknan kallast á á milli erinda og svo er þetta líka ljómandi vel sönghæft. Dáltill svona barnagælustíll á þessu. - skál! fyrir þessu bara.